Obradoiros de arqueoloxía en Vigozoo
A concellaría de Patrimonio Histórico, a través do Programa Municipal de Divulgación e Interpretación do Patrimonio Arqueolóxico, en colaboración con Vigozoo, pon en marcha este mes de xuño uns obradoiro divulgativos co tema "A fauna e os humanos na prehistoria". Os obradoiros de carácter gratuíto celebraranse os martes, xoves e sábados en horario de tarde.
Esta oferta cultural está dirixida a todo tipo de público e pretende, dun xeito lúdico e participativo, pero con estricto rigor científico, achegar aos participantes ás relacións tanto utilitarias (caza, pesca, vestido, cociña), como simbólicas (arte, rituais), que as diferentes especies de homínidos estableceron cos distintos grupos de fauna cos que conviviron.
Nestes obradoiros, nos que poderán participar grupos dun mínimo de catro persoas e un máximo de quince por sesión, realizarase a escavación dun sector simulado dun xacemento paleolítico e experimentarase co proceso de investigación científica en arqueoloxía, para poder comprender o ocorrido no máis remoto pasado.
Ademais, os grupos terán a oportunidade de realizar diferentes tarefas cotiás daquela época utilizando réplicas de utiles atopados en diferentes xacementos.
O obradoiro está dirixido polo responsable do Programa Municipal, José Valtierra Pérez, é gratuito e terá lugar nas instalacións de "Vigozoo" os martes, xoves e sábados, en horario de tarde.
Para ampliar información e reservar prazas, pódese chamar ao Centro de Divulgación Arqueolóxico Municipal (CEDAM), número de téléfono 986 460 812.
Descargar todas as imaxes
Nestes obradoiros, nos que poderán participar grupos dun mínimo de catro persoas e un máximo de quince por sesión, realizarase a escavación dun sector simulado dun xacemento paleolítico e experimentarase co proceso de investigación científica en arqueoloxía, para poder comprender o ocorrido no máis remoto pasado.
Ademais, os grupos terán a oportunidade de realizar diferentes tarefas cotiás daquela época utilizando réplicas de utiles atopados en diferentes xacementos.
O obradoiro está dirixido polo responsable do Programa Municipal, José Valtierra Pérez, é gratuito e terá lugar nas instalacións de "Vigozoo" os martes, xoves e sábados, en horario de tarde.
Para ampliar información e reservar prazas, pódese chamar ao Centro de Divulgación Arqueolóxico Municipal (CEDAM), número de téléfono 986 460 812.