Abel Caballero deu conta da situación actual da grada, que xa conta con catro das sete pezas colocadas. O Concello tamén informou ao club da localización das 4 cantinas que terá a grada.
O alcalde mantivo un encontro co novo presidente da Federación, Iván Sanmartín, no que lle trasladou que o atletismo terá instalacións na grande cidade do deporte na Balsa e en Balaídos.
O alcalde participou este venres na presentación en rolda de prensa do evento, que se celebra este sábado e domingo na pista vermella do Pavillón Municipal das Travesas, coa presenza de 31 clubs de toda España, máis de cen xogadores e 16 títulos en xogo. En presenza de Jesús Gómez, presidente do Club Escola Rosalía, e de Xosé Luís Vila Piñeiro, presidente da Federación Galega, Caballero comprometeu o apoio municipal aos equipos de bádminton da cidade, onde o “deporte vai ocupando cada vez máis parcelas”.
O alcalde de Vigo, Abel Caballero, presentou o circuíto Run Run Vigo 2023 e anunciou a recuperación da Gala do Atletismo de Vigo para o martes 24 no auditorio municipal.
Vigo contará cun espazo para a celebración do Dirt Jump, segundo garantiu esta mañá o rexedor nunha rolda de prensa na que criticou a falta de resposta da Autoridade Portuaria á solicitude de autorización que fixo a organización de O Marisquiño. Caballero confirmou que o Concello xa está a buscar solucións cos promotores deste festival urbano.
A Xunta de Goberno Local vén de aprobar o programa municipal do circuíto de carreiras de atletismo para este ano coa previsión de que comecen en xaneiro coa Subida ao Castro.
O alcalde clausurou o campus deportivo "Xogos de Reis" que se celebrou nos últimos tres días no pavillón de As Travesas. Máis de 120 nenos e nenas participaron no campus cunha gran variedade deportiva: balonmano, baloncesto, ciclismo, fútbol sala e voleibol, entre outros. Caballero lembrou que a actividade é de balde, que pretende fomentar a actividade física na mocidade e axudar nestas datas á conciliación familiar.
O alcalde avanzou o desenvolvemento desta “reunión tradicional” das catro rondallas viguesas no Pavillón das Travesas cun desfile previo no exterior, na contorna da Praza de América.
O alcalde participa este luns na entrega das becas coas que o goberno municipal quere contribuír ao desenvolvemento das carreiras de 45 deportistas de alto nivel en diferentes disciplinas: vela, tríatlon, motociclismo, tenis adaptado, judo, squash, natación, atletismo, atletismo adaptado, bádminton, taekwondo, esgrima, ximnasia trampolín e orientación. Amais destas axudas, Caballero salientou os 2 millóns de euros de achega municipal ao deporte da cidade, que se suman ao financiamento das instalacións deportivas, á gratuidade do uso dos campos de fútbol ou ás subvencións aos pavillóns deportivos.
O alcalde de Vigo, Abel Caballero, presentou a oitava edición do Torneo de Nadal-Concello de Vigo de fútbol, cuxa organización encargou a Afavi, a Asociación de Fútbol Afeccionado de Vigo, e á Fundación VIDE.