Comeza a instalación do primeiro guindastre "xigantesco” para a construción da nova bancada de Gol
Abel Caballero informou que esta semana rematan “os traballos de instalación de ancoraxe dos 313 pilotes da cimentación profunda”
“Seguimos avanzando na construción da nova bancada de Gol”, comezou o rexedor, explicando que esta semana rematan “os traballos de instalación de ancoraxe dos 313 pilotes da cimentación profunda”. Estes piares de formigón teñen entre 6 e 12 metros de altura e van enterrados no chan, para posteriormente realizar o seu descabezamento e executar a súa unión mediante carrís de formigón, xerando unha malla. Posteriormente, aplicarase a placa de formigón superior.
Caballero desvelou que “o xoves iniciarase a montaxe do primeiro guindastre xigantesco” para a construción da nova bancada, instalándose “próxima á de Río”. A partir de aí iniciarase a fase de montaxe da estrutura coa colocación dos piares da bancada, un proceso durará 8 meses e será a fase máis longa e visual do proceso.
A inicios do verán de 2026, coincidindo co final do campionato de liga de Primeira División, “veremos xa a estrutura da bancada sen cuberta”. Nese momento realizaranse en paralelo: división de espazos; traballos de albanelería e carpintería, illamento e pavimentacións e instalación do saneamento. Posteriormente instalarase a malla metálica que sosterá a cuberta. A nova bancada de Gol terá máis de 7.000 espectadores.