As obras da nova grada de Gol continúan avanzando coa montaxe da cuberta. O Concello izará este mércores o segundo dos 16 tramos da malla que a sostén, mentres mantén a previsión de completar a bancada a finais deste ano. Abel Caballero reafirmou tamén que a reforma de Balaídos estará terminada “en tempo e forma” para que Vigo sexa sede do Mundial de 2030.
O festival de cultura urbana e deportes de acción bota a andar este xoves na cidade con propostas para tódolos públicos e unha ampla oferta musical, deportiva e de ocio en Samil.
As obras de construción da nova grada de Gol avanzan coa colocación do primeiro tramo da estrutura metálica sobre a que se apoiará a cuberta. A instalación contará con 16 tramos, 6 frontais cara o terreo de xogo e 10 traseiros.
Os concelleiros, Manel Fernández e Elena Espinosa, recibiron no Concello a Hugo Nogueira, Ariadna Pazos e Martina González, integrantes da Escola de Pickleball do Círculo Mercantil de Vigo, tras a súa destacada participación no Campionato de España Xuvenil celebrado en Arganda del Rey. Hugo Nogueira proclamouse campión de España de dobres masculino sub-14, formando parella con Lucas Faraldo, e acadou tamén o subcampionato de dobres mixtos xunto a Ariadna Pazos. Pola súa banda, Ariadna Pazos e Martina González conseguiron o subcampionato de España de dobres feminino sub-14. O Círculo Mercantil foi a única das 132 escolas de pickleball de España que conseguiu clasificar deportistas para as finais das tres modalidades da categoría sub-14. Na recepción participaron tamén Sonia Rodríguez e Sara Docampo; o vicepresidente do Círculo Mercantil e director da escola, Fran Yáñez; e o monitor Patxy Suárez.
Abel Caballero achegouse este luns ao Estadio Municipal de Balaídos para comprobar o avance das obras de construción da nova Grada de Gol.
Caballero destaca a modernización das instalacións deportivas de Castrelos e lembra que o campo tamén contará cun novo edificio de vestiarios dentro do plan municipal de 8,5 millóns de euros.
Abel Caballero sinalou que a selección “xogará en Nova York e nós apoiarémolos desde o mellor auditorio ao aire libre do mundo, en Castrelos”. O Concello manterá a pantalla xigante para seguir a final do Mundial, que se disputará o domingo 19 de xullo ás 21:00 horas, entre España e Arxentina ou Inglaterra.
O alcalde de Vigo, Abel Caballero, participou este mércores na presentación do cartel musical desta edición, na que destacou a vinculación do festival coa cidade. “O Marisquiño hoxe é unha parte profunda da identidade de Vigo, O Marisquiño é Vigo”, afirmou o rexedor. O Concello inviste 1,3 millóns de euros no evento, sendo a única administración presente no patrocinio de O Marisquiño
As barras e as bólas que conformarán a malla encargada de soster a cuberta da nova grada xa se atopan no estadio. A estrutura montarase inicialmente sobre o terreo e será izada por tramos durante o mes de agosto.
Abel Caballero recibiu en Alcaldía a David Lemos, do Club Montañeiros Celtas, e a María Luisa Barros, do Espeleoclub Aradelas e adestradora da selección, acompañados por Fernando Fernández Rey, vicepresidente do Club Montañeiros Celtas. O rexedor felicitounos pola súa destacada actuación no XX Campionato oficial de TPV en espeleoloxía, celebrado en Corberá de Llobregat, onde acadaron cinco medallas: tres ouros para David Lemos na categoría Veteranos A e dous bronces para María Luisa en Veteranos A feminina.