martes, 29 ago 2023
Abel Caballero recibiu aos medallistas do Mundial de Vaurien celebrado en xullo en Le-Havre (Francia). Os regatistas acadaron primeiros e segundos postos en distintas categorías: absoluta, mixto, xuvenil, feminino e máster. O alcalde animou aos deportistas a seguir co seu talento e puxo de manifesto a importancia que ten a náutica en Vigo con campións deportivos como Tone Pérez, Paloma González, Pedro Salgado e Miguel Viejo e Nico González e Martín Pérez, Paula González e Ana Santirso, Paula Ríos e Malena Fontán en Nacho Campos e Yolanda Bastos.
martes, 29 ago 2023
As persoas inscritas en anos anteriores poderán facelo a partir de 4 de setembro e os rapaces e rapazas de nova incorporación ao programa deportivo municipal farán a matrícula a partir do 15 de setembro.
xoves, 24 ago 2023
Abel Caballero anunciou a disputa dun Trofeo Cidade de Vigo de baloncesto masculino para o 9 de setembro no complexo deportivo municipal das Travesas ás 20 horas. Obradoiro e Valencia Basket son os equipos elixidos.
mércores, 23 ago 2023
O alcalde felicitou ao celtismo polo centenario da fundación do Real Club Celta de Vigo. "Son 100 anos de historia, bo fútbol, éxitos e estamos moi orgullosos. Levamos as cores do celtismo con entusiasmo, paixón, agrado e aí seguiremos", declarou Abel Caballero neste 23 de agosto. "Hoxe somos unha afección e un club centenario".
venres, 18 ago 2023
O Concello instalará unha pantalla en Praza Compostela, para poder ver o partido que disputará a Selección Española Femenina o domingo ás 12:00 ante Inglaterra. Abel Caballero sinalou que "estamos orgullosísimos desta selección, realizan un fútbol magnífico para chegar a primeira final mundialista da historia".
luns, 14 ago 2023
O Balonmán Lavadores Petanca mostroulle a Abel Caballero o trofeo do terceiro posto conseguido no Campionato de España de Balonmán Praia en categoría infantil feminina, "un logro histórico para este deporte na cidade", como indicou o rexedor. Por outra banda, tamén recibiu os deportistas do Clube Piragüismo Olívico, que volveron do Campeonato de España de Novas Promesas con dous medallistas.
luns, 14 ago 2023
Máis de 150.000 persoas asistiron ao entorno de Samil para participar e presenciar as actividades deportivas e festivas de O Marisquiño. Os hoteis rexistraron unha ocupación do 94% durante a fin de semana.
xoves, 10 ago 2023
O rexedor acompañado da tenente de alcalde, Carmela Silva, e os organizadores do evento, achegouse esta mañá ata a zona de Samil, onde este ano se instalarán cinco probas do festival O Marisquiño. O alcalde puido falar cos primeiros deportistas que xa están na cidade para participar no evento que se desenvolve na cidade o 11, 12 e 13 de agosto. "Moitos son deportes olímpicos e veñen a facer as súas marcas para participar nas Olimpiadas. Este evento supera as 100.000 personas. A afluencia é masiva na cidade. É o evento máis importante que se fai en Europa", declarou.
xoves, 10 ago 2023
Abel Caballero explicou que o Concello “inicia o proceso de construción”, aprobando na Xunta de Goberno de mañá o expediente de contratación do proxecto por un valor de 223.076,51 €.
mércores, 9 ago 2023
Abel Caballero explicou hoxe que "os socorristas estarán dende as 11:00 da mañá, unha hora antes do habitual" debido a elevada afluencia que terá O Marisquiño en Samil. Ademais dende o venres a praia de Samil contará con 2 enfermeiras, dispositivo habitual só para as fins de semana. O rexedor sinalou que é unha medida máis "que realizamos dende o Concello para que a celebración do Marisquiño sexa un éxito".