O rexedor recibe aos medallistas vigueses da Selección Galega de Espeleoloxía
Abel Caballero recibiu en Alcaldía a David Lemos, do Club Montañeiros Celtas, e a María Luisa Barros, do Espeleoclub Aradelas e adestradora da selección, acompañados por Fernando Fernández Rey, vicepresidente do Club Montañeiros Celtas. O rexedor felicitounos pola súa destacada actuación no XX Campionato oficial de TPV en espeleoloxía, celebrado en Corberá de Llobregat, onde acadaron cinco medallas: tres ouros para David Lemos na categoría Veteranos A e dous bronces para María Luisa en Veteranos A feminina.
