O alcalde deu conta este luns das axudas que vén de conceder o Concello para sufragar gastos de alimentación, vivenda ou subministros no marco da política social municipal. Amais, visitou a instalación da pista de BMX do festival O Marisquiño en Samil. Caballero visitou as últimas montaxes de O Marisquiño.
O rexedor destacou que o evento, que este ano cumpre o seu 25 aniversario, está “financiado practicamente na súa totalidade polo Concello”.
O Concello de Vigo e a Real Federación Galega de Fútbol presentaron hoxe luns a Copa Vigo 2025 de fútbol para equipos locais de categorías autonómicas.
O rexedor explicou esta mañá que a Xunta de Goberno aprobou as melloras que permitirán o aumento do aforo do coliseo vigués. Unha vez oficializada a renuncia de Málaga “somos cidade sede” do Mundial 2030.
O alcalde anunciou hoxe o inicio dos preparativos para desenvolver o circuíto de carreiras populares “Runrun Vigo” 2026 coa contratación da xestión de todos os temas relativos ás inscricións, clasificacións e cronometraxe de cada unha das 12 probas. “Seguiremos facendo do RunRun un emblema deportivo do atletismo de Vigo”, recalcou.
O goberno municipal aprobou este venres a adxudicación das obras de humanización entre as rúas Gregorio Espino e Reiseñor, que contará cun investimento próximo aos dous millóns de euros, segundo avanzou o alcalde.
O alcalde acudiu á presentación da ampliación dos servizos de mobilidade xunto á organización de O Marisquiño, Renfe, a naviera Mar de Ons e Vitrasa. O servizo de bus urbano funcionará o venres de 15:00h a 23:00h e sábado e domingo de 11:00h a 23:00h, cunha frecuencia de paso de 15 minutos.
O alcalde acudiu á presentación xunto á organización do Marisquiño, que baixo o lema “25 anos celebrándoo xuntos”, comeza unha exposición urbana única por toda a cidade, do 8 de xullo ao 18 de agosto.
A carreira solidaria e de concienciación cidadá Ponlle freo volve este domingo ás rúas de Vigo por terceira oportunidade e por segundo verán consecutivo, anunciou hoxe o alcalde de Vigo, Abel Caballero. Acompañado polo concelleiro de Deportes, Manel Fernández, por responsábeis da organización (Atresmedia), de Stop Accidentes e do patrocinador principal (Fundación AXA), a atleta olímpica Ester Navarrete ou os atletas Roberto Rey, Noemí Álvarez e Celso Comesaña, entre outros, o rexedor explicou que a proba, para dúas distancias (5.000 e 10.000 metros), está marcada para este domingo, ás 10:00 horas, con saída única e chegada na Porta do Sol.
Abel Caballero saudou este xoves ás 130 nenas e nenos que participan no Campus de Verán do Club de Baloncesto Seis do Nadal que durante unha semana aprenden técnicas e destrezas deste deporte nas instalacións do CEIP Seis do Nadal. O rexedor, acompañado polo edil de Deportes, Manel Fernández, e a concelleira de Medioambiente, Nuria Rodríguez, desexoulles unha feliz estadía no campamento e que gocen do verán e de tódalas actividades organizadas na cidade para nenas, nenos e mocidade.