O alcalde visita o campamento de verán do Seis do Nadal
Abel Caballero saudou este xoves ás 130 nenas e nenos que participan no Campus de Verán do Club de Baloncesto Seis do Nadal que durante unha semana aprenden técnicas e destrezas deste deporte nas instalacións do CEIP Seis do Nadal. O rexedor, acompañado polo edil de Deportes, Manel Fernández, e a concelleira de Medioambiente, Nuria Rodríguez, desexoulles unha feliz estadía no campamento e que gocen do verán e de tódalas actividades organizadas na cidade para nenas, nenos e mocidade.
