luns, 18 abr 2011
O concelleiro de Deportes, Xabier Alonso, presentou este luns a Festa da Bicicleta "Pedaleamos xuntos", que se celebrará o vindeiro 8 de maio, organizada por Decathlon. O concelleiro nacionalista destacou que se trata dunha "festa do deporte popular, neste caso do ciclismo", que sairá ás 9.30 horas dende a praia de Samil, chegará ao parque de Castrelos, e voltará ás 14 horas á praia de Samil.
venres, 15 abr 2011
A Vigo Cup atópase a un mes do peche de inscrición e xa conta con numerosas solicitudes para a undécima edición, que se xogará do 4 ao 10 de xullo. Equipos de Castela-León, Andalucía, Portugal continental e Azores xa reservaron aloxamento para competir na edición do décimo aniversario do evento, que comezou en 2001. Xabier Alonso, concelleiro de Deportes, asegurou que "este é un torneo consolidado; a competición é secundaria porque nenos e nenas van convivir nun torneo internacional que para moitos será a primeira vez que xoguen, e gozarán das Rías e de bos campos".
martes, 29 mar 2011
O concelleiro de Deportes, Xabier Alonso, presentou este luns a primeira edición da Copa de España de Grupos Show Trofeo Cidade de Vigo de Patinaxe Artística, que se celebrará os días 1 e 2 de abril no pavillón de As Travesas. O nacionalista destacou que esta nova competición reunirá a máis de 500 deportistas de 11 federacións autonómicas, das que a catalana e a galega son as máis numerosas.
xoves, 24 mar 2011
O concelleiro de Deportes, Xabier Alonso, participou este xoves na presentación do XII Trofeo Cidade de Vigo de Mountain Bike, integrada na VigoBikeContest, que se celebrará nos montes de Fragoselo de Coruxo o vindeiro fin de semana, 26 e 27 de marzo. O concelleiro nacionalista salientou o alto número de participantes cos que contará o descenso internacional, que se celebrará o domingo ás 12 horas, ao ter xa 250 preinscricións.
venres, 18 mar 2011
O concelleiro de Deportes, Xabier Alonso, presentou hoxe a terceira edición do Circuíto Cidade de Vigo de Carreiras Populares, que comezará coa proba da Universidade o vindeiro día 27 (10 km Cidade Universitaria) e rematará coa edición número de 50 da Carreira do Pavo, o 18 de decembro.
martes, 15 mar 2011
Carme García participará do 20 ao 26 deste mes en Perth (Australia) no Campionato do Mundo de vela para invidentes. A regatista, que estes días puido adestrarse na ría viguesa "grazas ás xestións do concelleiro de Deportes, Xabier Alonso", como lembrou e agradeceu en rolda de prensa, parte este xoves xunto cos dous tripulantes valencianos que conforman o proxecto do Club Náutico Un Mar sen Barreiras."
venres, 11 mar 2011
O concelleiro de Deportes, Xabier Alonso, recibiu hoxe á regatista viguesa Laura Llópiz, que o pasado venres recolleu en Madrid unha placa na gala de entrega dos Premios Nacionais de Vela. O nacionalista felicitouna polos éxitos acadados e o recoñecemento federativo, animándoa tamén a seguir compaxinando a competición cos estudos no INEF.
mércores, 9 mar 2011
O concelleiro de Deportes, Xabier Alonso, e o deporte feminino vigués de elite anunciaron hoxe o seu total apoio ao Celta Indepo, equipo que este venres (21:00 horas, As Travesas) xógase fronte ao Extrugasa Vilagarcía parte das súas aspiracións de permanencia na Liga Feminina de baloncesto, á que só lle quedan cinco xornadas de competición.
venres, 4 mar 2011
O concelleiro de Deportes, Xabier Alonso, anunciou hoxe os prezos para a Copa do Rei de balonmán, que se disputará do 6 ao 10 de abril no pavillón das Travesas. A venda de localidades porase en marcha o vindeiro luns, 7 de marzo e segundo afirmou o concellerio nacionalista, serán prezos "asequibles para o público en xeral" con descontos para os Siareiros. Barcelona Borges, defensor do título, o vigués Academia Octavio, Reale Ademar de León, Cuatro Rayas Valladolid, CAI Aragón, Fraikin Granollers, Amaya Sport San Antonio e Renovalia Ciudad Real serán os participantes.
xoves, 3 mar 2011
O Concelleiro de Deportes, Xabier Alonso, presentou este xoves unha nova edición do Memorial Francisco Castro de atletismo en pista, que se celebrará o vindeiro domingo, 6 de marzo, no estadio municipal de atletismo de Balaídos a partir das 11 horas. Asegurou que nesta 26 edición, a proba reunirá a máis de 300 atletas nas diferentes categorías.
