venres, 28 xan 2011
Ao redor dun cento de participantes asistiron na mañá de hoxe no Centro Social Novacaixagalicia á inauguración da xornada técnica Deporte e Municipio da FEMP sobre o novo Plan de Actividade Física e Deporte que por vez primeira presentouse a debate no sector. No acto o alcalde de Vigo, Abel Caballero, sinalou que esta "é unha cidade moi envorcada co deporte, que é un dos piares centrais de Vigo" e o tenente de alcalde, Santi Domínguez, animou a relatores e asistentes "a reflexionar e profundar sobre o deporte" e fixo votos para que "Vigo continúe sendo un referente como cidade de deporte".
venres, 28 xan 2011
O tenente de alcalde, Santi Domínguez, participou este venres na presentación da décima edición da Copa do Mundo de Hípica, que terá lugar os días 11, 12 e 13 de febreiro no Ifevi. Na súa intervención, o nacionalista salientou a importancia deste evento na promoción da cidade, así como o seu retorno económico, polo que asegurou que "debemos empeñarnos en que non desapareza este evento da cidade".
mércores, 26 xan 2011
O concelleiro de Deportes, Xabier Alonso, presentou este mércores a xornada técnica "Plan Integral para a actividade física e o deporte: Deporte e municipio", que se celebrará o vindeiro venres, 28 de xaneiro, de 9 a 19 horas no centro social de Novacaixagalicia. O nacionalista destacou que o Consejo Superior de Deportes e a Federación Española de Municipios e Provincias, organizadores da xornada, farán que Vigo volva a ser "centro de reflexión e análise no eido deportivo", como xa foi o ano pasado co Forum FISU.
mércores, 26 xan 2011
O concelleiro de Deportes, Xabier Alonso, expresou os seus parabéns aos deportistas dos clubs vigueses Tao e Yidam, medallistas no Campionato de España de clubs de Taekwondo. En exhibición, categoría sénior, o Tao foi ouro, e un equipo formado por deportistas do Tao e do Yidam lograron o bronce. En exhibición, na categoría infantil, o club Tao tamén acadou a medalla de bronce.
luns, 24 xan 2011
O concelleiro de Deportes e presidente da Fundación Vigo en Deporte, Xabier Alonso, presentou hoxe a novena convocatoria das bolsas VIDE para deportistas individuais, que estará aberta do 1 ao 28 de febreiro. O nacionalista destacou que "cada ano son máis os e as deportistas que solicitan esta axuda, para atender ás súas necesidades de adestramentos. Na Concellería de Deportes subimos cada ano as axudas aos clubs, pero non hai unha partida específica para deportistas de modalidades individuais, o que VIDE cobre co seu apoio".
venres, 14 xan 2011
O tenente de alcalde, Santi Domínguez, participou este venres na inauguración da sexta edición de Galiexpo Motor Show, que se celebrará ata o vindeiro domingo, 16 de xaneiro, no IFEVI. Na súa intervención, o nacionalista destacou a importancia de que o recinto feiral de Vigo acolla un evento de repercusión internacional.
luns, 10 xan 2011
O concelleiro de Deportes, Xabier Alonso, presentou este luns a Liga de Fútbol Indoor, que comezará o vindeiro venres 14 de xaneiro no pavillón das Travesas, ás 20.30 horas, co derbi entre o Celta e o Deportivo. O nacionalista salientou o "alto nivel deportido que haberá no partido", que contará con dúas plantillas de futbolistas veteranos dos dous equipos galegos.
martes, 28 dec 2010
O concelleiro de Deportes, Xabier Alonso, animou aos vigueses e viguesas a participar na sexta edición da "carreira popular e non competitiva" San Silvestre, que se celebrará o vindeiro 31 de decembro no parque de Castrelos a partir das 17 horas. O nacionalista destacou que a proba "combina deporte e solidariedade", xa que as persoas que queiran participar deberán doar alimentos non perecedoiros a modo de inscrición que serán entregados ao Banco de Alimentos.
venres, 17 dec 2010
O concelleiro de Deportes, Xabier Alonso, presentou hoxe o "Torneo solidario multideportivo Nadal en Vigo" , que se disputará do 20 ao 26 deste mes de decembro nos dous pavillóns de Balaídos e nas Travesas (Frontón, Pista Central e Vermella). Nesta edición volveranse a formar equipos das categorías baby (nenos e nenas de 2005 e 2006), prebenxamín (nenos e nenas 2003 e 2004) e benxamín (nenos e nenas de 2001 e 2002), ademais de alevín feminino (nenos e nenas de 1999 e 2000). Balonmán, baloncesto, fútbol sala, bádminton ou squash son algúns dos deportes cos que rapaces e rapazas gozarán.
mércores, 15 dec 2010
O concelleiro de Deportes, Xabier Alonso, presentou hoxe a XLIX edición da Carreira do Pavo, que se celebrará o vindeiro domingo, 19 de decembre, dende as 10.30 horas na Praza de Compostela. O nacionalista destacou que esta carreira, xa plenamente consolidada, ten o aliciente de ser a última das probas programadas no Circuíto de Carreiras Populares que organiza o Concello de Vigo.
