O concelleiro de Deportes, Manel Fernández, visitou hoxe as aulas de Educación Especial do colexio público Seis do Nadal, invitado polo centro. Durante tres cuartos de hora interesouse polas afeccións deportivas dos nenos e nenas presentes, que contan con tres titores e dous profesores de logopedia.
O Multiusos de Navia acollerá este sábado por vez primeira o Cidade de Vigo de judo, que cumpre dez edicións como gran premio internacional aínda que lévase disputando dezaseis edicións con esta. Este evento, organizado pola Federación Galega de Judo, abandona o seu tradicional domicilio de Coia (aínda que tamén se viviu nas Travesas e Bouzas) para acudir "á instalación máis moderna que temos hoxe en día", sinalou o concelleiro de Deportes, Manel Fernández.
A quinta edición da carreira popular Vigo+11, Trofeo El Corte Inglés, aspira a levar a vinte das principias rúas da cidade a uns 1.500 deportistas o vindeiro día 16, nun mes en que Galicia enteira programou numerosas probas atléticas populares, segundo explicouse na presentación da proba atlética urbana que percorre boa parte de Vigo. A carreira viguesa, gañada os dous últimos anos por Lolo Penas en categoría masculina e pola portuguesa Doroteia Peixoto en feminina (2010), con 2.800 euros en premios, xa abriu o prazo de inscrición e pode presumir dun gran apoio de patrocinios privados, ademais do respaldo do propio Concello de Vigo.
A Semana do Atlántico regresará á ría viguesa o 7 de outubro e ata o 1 de novembro 1.500 regatistas e 1.000 barcos competirán na Copa de Europa láser, no Open Meeting internacional (clases 420 e 470), no Meeting Internacional Pescanova de optimist, na Copa de España de platú e en diferentes regatas de cruceiros ORC de Solitarios e A Dos, snipe, cadete e vaurien.
A Concellería de Deportes patrocina o , que se disputa esta fin de semana en Vigo. O campionato chega por vez primeira á cidade, cuns 1.000 deportistas inscritos, pechando así un ciclo: o tríatlon chegou a Galicia dende Vigo un 20 de setembro de 1987, cando o Concello organizou en Samil o Gran Premio Cidade de Vigo, dentro do circuíto nacional.<br /> <br />
O alcalde de Vigo, Abel Caballero, acudiu hoxe mércores á praia de Samil para coñecer in situ o circuíto polo que competirán a fin de semana máis de 1.000 triatletas chegados de toda España para participar nos Nacionais, que por vez primeira celébranse na cidade.
O Concello de Vigo será o patrocinador principal do XVIII Campionato de España de tríatlon, que se disputará en Vigo os vindeiros días 17 e 18 de setembro. Samil será o centro neurálxico aínda que os e as participantes chegarán ata Bouzas e Coia no seu percorrido do segundo sector, a competición ciclista.
O alcalde de Vigo, Abel Caballero, e o Presidente da Escudería Cidade de Vigo, Constantino Domínguez, organizadora do evento, presentaron este martes a quinta edición da Subida, que terá lugar esta fin de semana como é habitual en Bembrive e Beade. Caballero invitou á cidadanía a presenciar este acontecemento por ser "certamente espectacular".
O alcalde de Vigo, Abel Caballero, sinalou hoxe á Travesía a nado El Corte Inglés como exemplo "de coordinación" entre o Concello, as empresas privadas e o tecido deportivo, neste caso a Federación Galega de Natación, organizadora da proba puntuable para o VIII Circuíto Galego de augas abertas.
O alcalde de Vigo, Abel Caballero, reiterou hoxe xoves, o "compromiso de cooperación" do Concello co Celta durante a presentación do Torneo Cidade de Vigo. Acompañado do presidente do club, Carlos Mouriño, Caballero agradeceu ás entidades privadas -El Corte Inglés e Begano- a súa colaboración na posta en marcha desta "destacada cita deportiva".