martes, 6 set 2011
O alcalde de Vigo, Abel Caballero, e o Presidente da Escudería Cidade de Vigo, Constantino Domínguez, organizadora do evento, presentaron este martes a quinta edición da Subida, que terá lugar esta fin de semana como é habitual en Bembrive e Beade. Caballero invitou á cidadanía a presenciar este acontecemento por ser "certamente espectacular".
mércores, 10 ago 2011
O alcalde de Vigo, Abel Caballero, sinalou hoxe á Travesía a nado El Corte Inglés como exemplo "de coordinación" entre o Concello, as empresas privadas e o tecido deportivo, neste caso a Federación Galega de Natación, organizadora da proba puntuable para o VIII Circuíto Galego de augas abertas.
xoves, 4 ago 2011
O alcalde de Vigo, Abel Caballero, reiterou hoxe xoves, o "compromiso de cooperación" do Concello co Celta durante a presentación do Torneo Cidade de Vigo. Acompañado do presidente do club, Carlos Mouriño, Caballero agradeceu ás entidades privadas -El Corte Inglés e Begano- a súa colaboración na posta en marcha desta "destacada cita deportiva".
mércores, 3 ago 2011
O alcalde de Vigo, Abel Caballero, animou ao atleta céltico Gonzalo Basconcelo a "seguir coa gran traxectoria deportiva" que está a realizar pero, ademais, fixo fincapé en que manteña tamén unha traxectoria ascendente nos estudos para completar a súa formación.
venres, 22 xul 2011
O Concello de Vigo ven de recibir a xestión de 13.000 metros cadrados de zonas verdes en Navia. Así o anunciou hoxe venres o rexedor, quen se felicitou por esta incorporación xa que "querermos que toda esta zona sexa municipal o antes posible para darlle o tratamento que se merece".
martes, 19 xul 2011
A décima edición do Internacional de tenis Cidade de Vigo comezará a fin de semana coa fase previa, xogadoras de 23 países e o rol de que este evento "é o mellor torneo feminino de Galicia", explicou o concelleiro de Deportes, Manel Fernández, que hoxe presentou a proba do circuíto internacional da WTA no Concello.
luns, 18 xul 2011
O alcalde de Vigo, Abel Caballero, recibiu hoxe luns a Sebastián Rodríguez, Chano, cuádruplo medallista de ouro nos Europeos de natación de Berlín, hai uns días. Acompañado polo concelleiro de Deportes, Manel Fernández, Caballero departiu durante un cuarto de hora co laureado deportista paralímpico vigués, que estes días adéstrase na cidade e que en breve terá tres semanas de vacacións.
venres, 15 xul 2011
Thiago Alcántara, centrocampista do Fútbol Club Barcelona e fillo do excéltico Mazinho, foi recibido hoxe polo alcalde da cidade, Abel Caballero, que lle fixo entrega do premio VIDE, o trofeo ao mellor xogador nacional sub 21 da tempada 2010/2011.
xoves, 14 xul 2011
A Bandeira Concello de Vigo de traiñeiras, que entra na súa decimonovena edición, volve como cada verán a Ría para ofrecer o mellor remo galego en acción. O concelleiro de Deportes, Manel Fernández, amosou de forma pública a súa "satisfacción" por que a regata cambie a súa localización ao Vao "gañando en espectacularidade" e engadiu a iso o seu convencemento "da gran repercusión que terá na cidadanía".
xoves, 7 xul 2011
O alcalde de Vigo, Abel Caballero, indicou este xoves que o Concello transmitiu ao Celta de baloncesto feminino que "procederan á inscripción" na máxima categoría. Caballero explicou que o goberno local conseguirá fondos de maneira "excepcional" para esta tempada e reclamou do club un "esforzo adicional" na procura de recursos e patrocinadores. "Ningún club de élite vigués deixará de participar en ningunha competición", apuntou o alcalde, quen amosou a súa "satisfacción" polo "problema resolto" do baloncesto feminino.