Abel Caballero anima a toda a cidadanía a disfrutar do partido de fútbol Celta-Sevilla da Liga Indoor que se disputará o venres no pavillón de As Travesas a partir das 19,00 horas. Antes, ás 16,00 horas, terá lugar a Copa Infantil Indoor.
O alcalde de Vigo, Abel Caballero, e o concelleiro de Deportes, Manel Fernández, presentaron a primeira edición do Trofeo de Reis - 10º aniversario de VIDE de fútbol 7, que se celebra este sábado (10:15 horas) no campo do complexo deportivo municipal de Samil e que contará coa participación de oito clubs da cidade e un total de 17 equipos, movendo ao redor de 170 nenos e nenas, dado o carácter mixto do campionato.
O alcalde de Vigo, Abel Caballero, e o concelleiro de Deportes, Manel Fernández, presentaron hoxe a primeira edición da carreira popular Correndo por Vigo, que discorrerá este domingo, ás 11:00 horas, por Travesía de Vigo, Jenaro de la Fuente e rúa Aragón. É a primeira "popular" do 2012 na cidade.<br />
O alcalde de Vigo, Abel Caballero, e o concelleiro de Deportes, Manel Fernández, recibiron hoxe aos medallistas do Ximnasio Tao para felicitarlles polos éxitos colleitados hai uns días no Campionato de España de taekwondo, en Logroño, onde o equipo A rematou ouro e o B foi prata en exhibición, o que nunca sucedera.
O alcalde de Vigo, Abel Caballero, anunciou hoxe, durante a presentación da sétima edición da San Silvestre viguesa (sábado 31, Castrelos, 17:00 horas), que "as carreiras populares van entrar no núcleo central da política deportiva da cidade xunto ao deporte de base", no que citou modalidades referentes como o baloncesto, balonmán, fútbol ou judo.
Abel Caballero visitou este martes a reforma e ampliación do pavillón, en Lavadores, á que o goberno local destinou 120.000 euros para o aproveitamento das zonas baixo o graderío, convertidas nun aula de traballo, nunha oficina e nun ximnasio. Os últimos tres anos, asegurou o alcalde, foron "a época na que as instalacións deportivas de Vigo teñen a maior mellora de toda a historia da cidade".
O alcade de Vigo felicitou esta tarde a Laura Llopis, unha viguesa de 20 anos, campiona mundial de vela por segundo ano consecutivo. Caballero loubou á deportista local, quen disfruta dunha bolsa Vide, e animouna a seguir cosechando éxitos deportivos.
O Gran Premio Pedestre de Nadal, a tradicional Carreira do Pavo, disputarase este domingo na contorna da Alameda co apoio da Concellería de Deportes e o patrocinio de El Corte Inglés, que dá nome ao premio. A proba, que espera non baixar dos 600 inscritos para todas as carreiras (haberá oito saídas segundo idades), definirá o circuíto de carreiras populares Cidade de Vigo, que bota o pano logo dunha terceira edición na que segue crecendo.
O pavillón de Bouzas recibe por cuarta oportunidade nos últimos cinco anos o Trofeo Cidade de Vigo de kárate, baixo a organización da Asociación Deportiva Zanshin. Será este sábado a partires das 17:00 horas cando uns 60 karatecas pelexarán dende categoría cadete a senior, pasando por xuvenil, junior e sub 21. Este ano, o torneo reúne ao club local, que presenta dous equipos, ao Bunkai Sport Ferrol e ao Club Shotokan Santander.<br />
Miriam Pérez, de 13 anos, e Laura Domínguez, de 16, patinadoras do Club Patinaje Valladares, foron recibidas hoxe polo alcalde da cidade, Abel Caballero, e o concelleiro de Deportes, Manel Fernández, que as felicitaron pola súa magnífica traxectoria nesta tempada que agora remata.