martes, 23 nov 2010
O concelleiro de Deportes, Xabier Alonso, anunciou hoxe que a 32 edición do Memorial Belarmino Alonso de campo a través, que se correrá o vindeiro domingo 28 de decembro, estreará un novo percorrido "que será máis espectacular". Destacou que na proba participarán deportistas de todas as categorías dende benxamín ata xuvenil e júnior, tanto na modalidade masculina como feminina.
martes, 23 nov 2010
O concelleiro de Deportes, Xabier Alonso, anunciou este martes a incorporación de diversas instalacións deportivas de Vigo á rede de gas natural no obxectivo de reducir a contaminación ambiental. Deste xeito, o pavillón central de As Travesas, os pavillóns do Carme e Frontón-Vermella, así como o complexo deportivo de Balaídos súmanse ás piscinas de Teis, Travesas, Lavadores e Valadares, o ximnasio do Carme e o pavillón do Berbés, que xa contan con este sistema que potencia o aforro enerxético.
venres, 19 nov 2010
O concelleiro de Deportes, Xabier Alonso, presentou este venres o XII Trofeo Cidade de Vigo de Kárate que se celebra mañá sábado 20 de novembro, no polideportivo de Bouzas, a partir das 17.30 horas. Na presentación, na que tamén participou o responsable do clube A.D. Zanshin, Fernando Álvarez, o concelleiro nacionalista destacou que a selección galega será un dos equipos participantes nesta cita deportiva.
luns, 15 nov 2010
O tenente de alcalde, Santi Domínguez, e o concelleiro de Deportes, Xabier Alonso, visitaron este luns as obras da área deportiva ao aire libre de Barreiro, "que nuns meses será unha realidade", asegurou Santi Domínguez. A actuación, que inclúe unha pista polideportiva, unha zona para os deportes tradicionais e outra para a práctica de deportes de raqueta "dá resposta á unha vella demanda dos veciños e veciñas de Lavadores", destacou o tenente de alcalde.
xoves, 11 nov 2010
O concelleiro de Deportes, Xabier Alonso, presentou este xoves a XVIII edición da Festa Infantil do Judo, na que participarán máis de 1.500 deportistas o vindeiro 28 de novembro no Instituto Feiral de Vigo. O edil nacionalista salientou que este novo emprazamento é un reto para a organización, pero tamén "un marco obrigado porque o pavillón das Travesas xa quedaba pequeno".
mércores, 10 nov 2010
O tenente de alcalde, Santi Domínguez, destacou este mércores que o éxito da XXI Copa Asobal de Balonmán, que se celebrará os días 18 e 19 de decembro no pavillón das Travesas, "está asegurado porque os catro mellores equipos do mundo non deixan indeferente a ninguén". Destacouno tras o acto no que se sortearon os emparellamentos das semifinais, que enfrontarán ao Reale Ademar León co F.C. Barcelona Borges e ao Renovalia Ciudad Real co Cuatro Rayas Valladolid.
venres, 5 nov 2010
O tenente de alcalde, Santi Domínguez, destacou este venres que o feito de que máis de 3.500 persoas xa están abonadas ao complexo de auga de Coia-Florida na primeira semana de funcionamente supón "un gran éxito". Asegurouno no percorrido que realizou esta mañá polo complexo deportivo, xunto aos concelleiros de Deportes, Xabier Alonso, e Patrimonio Histórico, Eudosio Álvarez, "para comprobar in situ" o funcionamento das instalacións.
mércores, 27 out 2010
O concelleiro de Deportes, Xabier Alonso, expresou esta mañá os seus parabéns á ximnasta Carolina Gómez, que segundo manifestou o nacionalista "con só 15 anos conta xa cun palmarés envexable", ao acadar o sétimo posto no Campionato do Mundo de Ximnasia Acrobática na categoría absoluta.
xoves, 21 out 2010
O concelleiro de Deportes, Xabier Alonso, expresou este xoves os seus parabéns aos directivos da Escola Marcote de Xadrez, Manuel Outerelo e Javier Marcote, pola vitoria no Campionato de España por equipos de División de Honor 2010, ao vencer na final ao Linex Magic de Mérida.
mércores, 20 out 2010
Os concelleiros de Cultura, Xesus López, e Deportes, Xabier Alonso, presentaron este mércores a décima edición do programa "Camiña e Coñece", que o vindeiro domingo 24 de outubro percorrerá a parroquia de Teis. Os concelleiros nacionalistas afirmaron que calquera persoa pode realizar o percorrido proposto e que non é necesario inscribirse previamente.
