O concelleiro de Cultura e Festas, Ignacio López-Chaves, presentou a 41ª edición do Concurso-Exposición da Camelia, que se celebrará o 26 e o 27 de febreiro nas instalacións do Consorcio da Zona Franca. Neste certame, ao cal destina o Concello 40.000 euros, premiaranse os exemplares máis destacados desta flor nas súas distintas variedades.
O concelleiro de Cultura ,Ignacio López-Chaves , mantivo unha reunión cos directores dos diferentes museos e coleccións públicas da cidade co obxectivo de impulsar a realización de actividades conxuntas destas institucións así como de promover a súa difusión.
Adriano e Fernando Guimarães son os artistas e autores das catro performances que terán lugar no museo o 25 e 26 de febreiro en horario de 20 horas e 21,30 horas.
O Museo Quiñones de León organiza visita guiadas ó casco histórico de Bouzas con motivo do centenario da unión do Concello de Bouzas ó de Vigo. As visitas , de carácter gratuíto, están programadas os domingos ás 11 e ás 12 horas durante os meses de febreiro e marzo.
O venres 18 de febreiro finaliza, as 13.30 horas, o prazo de inscrición na 41 edición do Concurso-Exposición da Camelia, organizado pola Concellería de Asuntos Sociais e que se celebrará nas instalacións do Consorcio da Zona Franca de Bouzas durante os días 26 e 27 de febreiro.
As actividades de inglés programadas na Biblioteca Central, que se desenvolven de febreiro ata maio, teñen logrado unha ampla aceptación entre o público ao acadar cubrir todas as prazas. O obxectivo da iniciativa impulsada polo departamento de Cultura dirixido por Ignacio López-Chaves radica en conseguir a diversificación da oferta e a captación de novos usuarios para as instalacións municipais, así como o fomento dos hábitos de estudio entre os asistentes.
A concellería de Asuntos Sociais destinará un total de 11.970 euros para a dixitalización do fondo antigo da biblioteca Francisco Fernández del Riego da Casa Galega da Cultura. En concreto, a actuación prevista polo departamento que dirixe Ignacio López-Chaves Castro refírese a tres volumes do século XVII e trinta e cinco do XVIII, considerados de gran valor histórico.
O Cineclub Lumière dedica a súa programación de febreiro ao cine policial, cun ciclo no que se ofrecerán mostras de todos os seus xéneros. Os filmes proxectaranse do 14 ao 28 deste mes no Auditorio da Casa do Concello.
"O humilde do necesario" é a mostra de máis de cen pezas, entre apeiros e roupas do rural, que o museo Liste expón ata o 28 de febreiro.
A alcaldesa, Corina Porro, visitou a Casa das Artes para inaugurar as actividades do Arquivo Pacheco para 2005, que se iniciarán co proxecto interactivo "A galería".