A concellería de Asuntos Sociais destinará un total de 11.970 euros para a dixitalización do fondo antigo da biblioteca Francisco Fernández del Riego da Casa Galega da Cultura. En concreto, a actuación prevista polo departamento que dirixe Ignacio López-Chaves Castro refírese a tres volumes do século XVII e trinta e cinco do XVIII, considerados de gran valor histórico.
O Cineclub Lumière dedica a súa programación de febreiro ao cine policial, cun ciclo no que se ofrecerán mostras de todos os seus xéneros. Os filmes proxectaranse do 14 ao 28 deste mes no Auditorio da Casa do Concello.
"O humilde do necesario" é a mostra de máis de cen pezas, entre apeiros e roupas do rural, que o museo Liste expón ata o 28 de febreiro.
A alcaldesa, Corina Porro, visitou a Casa das Artes para inaugurar as actividades do Arquivo Pacheco para 2005, que se iniciarán co proxecto interactivo "A galería".
O concelleiro de Cultura, Ignacio López-Chaves, presentou o IV Festival Alternativo de Teatro e Danza "Vigo, a outra alternativa". O Festival, tamén coñecido como "Alt", celebrarase do 25 de febreiro ao 12 de marzo en diversos escenarios e recibe unha axuda de 35.000 euros por parte do Concello.
As instalacións do Consorcio da Zona Franca acollerán os días 26 e 27 de febreiro a 41ª edición do Concurso-Exposición da Camelia, organizado polo Concello e no que se premiarán os máis destacados exemplares desta flor nas súas distintas variedades.
Do mesmo xeito que outras puntos de lectura da cidade, a Biblioteca Central de Vigo amplía o seu horario durante a época de exames de inverno, é decir, ata o próximo 18 de febreiro.
O concelleiro Ignacio López-Chaves sinalou a recuperación de exposicións ligadas á historia e ao arte da cidade como un dos obxectivos principais do museo "Quiñones de León" para 2005. O museo de Castrelos experimentou un incremento de visitantes do 30 por cen no pasado ano.
A Casa da Xuventude abre unha nova exposición apostando pola xove pintora Gala Fernández, aínda estudiante de Belas Artes en Pontevedra, pero xa veterana como artista e expositora.
Teñen lugar tódolos venres a partir das 19,30 horas nos recintos dispostos polos equipos participantes.