O Padroado da Fundación Laxeiro acordou entregar o premio Laxeiro 2005 a Julio Fernández Gayoso, director de Caixanova, polo labor da entidade como pioneira no eido do Patrocinio Cultural en Galicia.
A Fundación Penzol acollerá ata o próximo 5 de xuño a exposición "Mesturas", unha mostra colectiva dos alumnos do último curso da aula de debuxo da Escola de Artes e Oficios, coa que o Concellaría de Cultura quere facelos partícipes da escena artística da cidade.
Durante o mes de maio, a Biblioteca Pública Central de Vigo desenvolverá unha actividade destinada tanto aos máis pequenos, como aos adultos. Así, nas instalacións da biblioteca celebrarase a terceira edición do concurso para rapaces "En qué conto, conto", e neste ano tódalas preguntas do concurso versarán sobre Andersen e a súa obra.
O Festival Internacional de Jazz de Vigo, "imaxina Sons", nace coa intención de cubrir un vacío e satisfacer a demanda no noso país respecto ao ámbito europeo do Jazz, intentando mostrar tendencias descoñecidas desta música no noso país que no resto de Europa si están presentes. Trátase principalmente de dar información sobre o Jazz actual do noso entorno cercano: dende Galicia, ata España e Europa.
O edificio do Campus de Vigo acadou o premio especial de Arquitectura, colocando á cidade na vangarda da arquitectura. A exposición dos premios FAD, que se outorgan dende 1958, permitirá observar na Casa das Artes as últimas tendencias desta disciplina artística no noso país.
Este festival de música clásica ten a finalidade de dar a coñecer o traballo que se realiza nos conservatorios e nas escolas de música. As actuacións terán lugar no auditorio Martín Codax e na parroquia santuario María Auxiliadora.
O concelleiro de Cultura, Ignacio López-Chaves, asistiu á presentación á prensa da curtametraxe "Un día perfecto", filmada por un grupo de mozos vigueses en diversas localizacións da cidade e do seu contorno. A película será presentada ao público o próximo xoves no Sete Mares.
No marco da programación infantil que estase a desenvolver na Biblioteca Pública Central de Vigo, a actividade que ten lugar os sábados, "Cóntame un conto", estará dedicada durante o mes de maio ao escritor danés Han Christian Andersen, que este ano centrou a conmemoración do Día de Literatura Infantil e Xuvenil.
O Festival Sinsal continúa coa súa programación de primavera coas actuacións, o próximo luns 25 de abril no Teatro Salesianos, das bandas estadounidenses Low e Kid Dakota e a cantante canadense Nina Nastasia.
O Museo MARCO ofrece do 21 de abril ao 13 de maio no seu Salón de Actos un ciclo de cine dedicado a José Val del Omar, un dos autores máis importantes do cine experimental.