Por primeira vez na historia deste Festival, o VIA STELLAE recala en Vigo para ofrecer no MARCO dous dos concertos incluídos no ciclo VIA STELLAE 20/21, no que a música contemporánea, os clásicos do século XX, as vangardas e os creadores galegos actuais son os protagonistas.<br />
A partir do martes 7 de xullo comezan no MARCO os obradoiros infantís de verán, que intentan achegar aos máis pequenos as obras dos artistas presentes nas salas do museo. A través de percorridos por salas, e de divertidas sesións no ‘Laboratorio das Artes’, os participantes traballan as súas habilidades e capacidades de observación, reflexión e interpretación da arte contemporánea.
Nunha semana vendéronse xa case 1.000 entradas para asistir ao concerto que o grupo británico Keane ofrecerá no Auditorio de Castrelos o vindeiro 17 de xullo a partir das 23.00 horas. O bo ritmo da venda de entradas evidencia o interese que esperta estas banda británica de pop rock alterantivo procedente do East Sussex.
Un ano máis o museo Verbum promove, xunto coa Axencia Audiovisual Galega o ciclo das mellores curtametraxes do cinema galego "O pequeno é fermoso" agrupadas en distintas temáticas: animación, experimentación, biografías, literatura no cine, Galiza na guerra civil, videodanza, mundo rural, a muller, etc.
Santiago de la Muela chega o venres 3 de xullo á quinta edición de Imaxina Sons, un festival que se inauguraba o 16 de xuño de 2005 co concerto de dous guitarristas: un era Chema Saiz e o outro, el mesmo. De novo a oportunidade de gozar dun músico que, sendo xa un mestre do seu instrumento, é quen de compoñer para calquera formación e, ademais, dirixila co influxo do swing. Na praza do Rei a partir das 23h sesión dobre co cuarteto de Pepe Evangelista seguido da Santiago de la Muela Jazz Orchestra, unha formación con dezaoito músicos que pon ao día o espírito das big bands de sempre.
Parabéns aos seguidores de Frank Zappa. Saxo, voz e, por suposto, o seu sentido do humor e os seus bailes característicos, distinguiron a Napoleon Murphy Brock desde o momento que se incorporou á banda do xenial músico estadounidense a principios dos anos setenta. Sen dúbida, o saxofonista e cantante será un dos pratos fortes desta quinta edición do Festival Imaxina Sons de Vigo co seu concerto do xoves 2 de xullo na Praza do Rei a partir das once da noite.
Na xornada do mércores 1 de xullo o Festival de Jazz de Vigo Imaxina Sons propón, ademais, dos concertos de Marc Ducret no MARCO e de Organic Collective, dentro do circuíto Jazz na noite, unha mesa redonda para reflexionar sobre o camiño andado polo festival. As cinco edicións do mesmo motivan unha tertulia que terá lugar ás 20.30h no MARCO e na que participan o director artístico do festival, Baldo Martínez e os críticos Tomás Sendón e Alejandro Cifuentes. Posteriormente terá lugar o concerto solista de Marc Ducret, un dos máis reputados guitarristas europeos con proxectos a ambos lados do Atlántico.
Cunha abraiante traxectoria xa, o pianista Agustí Fernández (Palma de Mallorca, 1954) é o nome de referencia na música de vangarda española. O martes 30 de xuño ás 21.30h Agustí Fernández ofrece un concerto no MARCO dentro do Festival de Jazz de Vigo Imaxina Sons cun prezo de entrada de 2 euros. Antes da súa actuación no MARCO, o festival ten programada unha mesa redonda cos críticos Juan Claudio Cifuentes e Javier de Cambra que ofrecerán un relatorio baixo o título Anécdotas Jazzísticas
Chega Imaxina Sons á terceira xornada do festival o sábado 27 de xuño cun dos pratos máis delicados do menu de jazz desta quinta edición. Con Le Voyage de Sahar, o músico Anouar Brahem (Túnez, 1957) consolida o singular trío que forman o seu oud –o laúde árabe-, o piano de François Couturier e o acordeón de Jean Louis Matinier.
A programación de "Vigo a escena" para o primeiro semestre do 2009 chega esta fin de semana a Coia, coa actuación mañá 27 de xuño da compañía Lope de Vega no CCA O Rueiro ás 20.30 horas. Esta compañía interpretará "Ide todos ao inferno", unha obra dirixida por Julián Rodríguez Novo e interpretada polo propio director e por Marta Lado Insua e Javier Octavio de Toledo e na que a ironía é a ferramenta para críticar a nosa sociedade.