O vindeiro domingo, 31 de maio será clausurada a exposición Laxeiro, ilustracións, estampas e deseños. Unha mostra na que por primeira vez se fai unha revisión da relación de Laxeiro co mundo editorial e da obra gráfica.
O Marco presenta no salón de actos, a partir do xoves e ata o sábado, o ‘Epílogo sobre a sensibilidade obreira’, consistente na proxección do vídeo dunha charla de José Luis Velasco, dirixente da CNT, baixo o título ‘Para os traballadores sempre hai crise’.
A Facultade de Económicas da Universidade de Vigo e o Museo Verbum-Casa das Palabras acollerán o vindeiro 5 de xuño o dobre programa organizado para celebrar o 15 aniversario do proxecto Ponte nas Ondas, no que participarán máis de 60 centros educativos galegos, portugueses e doutros países como Arxentina, Brasil, Colombia e Cuba.
O 18 de maio celébrase o Día Internacional dos Museos e, con tal motivo, o Museo do Mar de Galicia organiza o vindeiro domingo, 17 de maio, unha rota con diferentes actos lúdicos e culturais baixo o nome Liña de Sal, e que trata de amosar ao público xeral os antigos procesos de producción e usos do sal en Vigo.
O concelleiro de Cultura destacou este xoves que "o compromiso da Federación Veciñal Eduardo Chao", que organiza un total de 90 actividades ata o vindeiro 30 de maio para conmemorar o Día das Letras Galegas. Na presentación do programa, na que tamén participou o vogal de Cultura desta entidade, Xosé Couñago, o concelleiro nacionalista salientou que esta "intensa programación cultural" está integrada por espectáculos de música e baile, representacións de teatro, festivais, exposicións e certames
Durante 25 anos Kike Corbacho recorreu Galicia fotografando lugares da nosa terra que en moitos casos están sen descubrir.Unha escolma do seu traballo, agrupada en tres grupos -festas, paisaxes e a Galiza profunda- poderase ver do 12 ao 31 de maio no Verbum.
As parroquias de Bouzas, Candeán, Oia, Navia e Comesaña poderán disfrutar esta fin de semana da programación teatral "Vigo a escena", organizada pola Concellería de Cultura. O sábado, 9 de maio, as obras correrán a cargo de Artello-Teatro, Sísifo Teatro, Fulano Mengano e Citano, mentres que o domingo, 10 de maio, actuarán Teatro Avento e Títeres en Acción.
Sete especialistas ilustrarán a dimensión nacional da guerra e a revolución, as xestas militares e os condicionantes estructurais que limitaron o control de Galicia polo exército napoleónico. As conferencias, abertas ao público, celebranse do 7 ao 28 de maio no salón de actos da Casa Galega da Cultura ás 20:00h.
A quinta edición do Festival de Jazz Imaxina Sons celebrarase do 25 de xuño ao 5 de xullo, segundo anunciou o concelleiro de Cultura, Xesus López, na presentación do certame, na que tamén participou o seu director artístico, Baldo Martínez, e María Pereira, en representación de Caixanova. A programación deste ano representa boa parte da xeración de músicos europeos que foi capaz de facer que o jazz feito en Europa acadase o seu máis alto nivel, como é o caso do contrabaixo checo Miroslav Vitous e a Vienna Art Orchestra.
O Verbum inaugura o martes día 5 de maio, unha exposición de fotografía e documentos sobre a figura de José Afonso. A expoción leva por título "Seremos muitos, seremos alguem. José Afonso, a voz da liberdade" poderesase visitar ata o 31 de maio. A mostra complementase con actividades como unha mesa redonda, un recital pético-musical e un concerto homenaxe.