mércores, 29 xul 2009
O concelleiro de Cultura, Xesus López, destacou hoxe na presentación do concerto de Carlos Baute+Marta Sánchez o bo ritmo da venda de localidades para esta actuación, que terá lugar o día 4 de agosto no Peirao de Trasatlánticos (22:30 horas). "Estamos apreciando un gran interese, tanto polas chamadas telefónicas recibidas e as consultas realizadas, como pola venda de localidades... Así que cito a todas e todos os seus seguidores no Peirao de Trasatlánticos o próximo día 4 de agosto".
martes, 28 xul 2009
O concelleiro de Cultura, Xesus López, e o promotor Bibiano Moron presentaron hoxe o concerto de La Oreja de Van Gogh, que terá lugar mañá no auditorio de Castrelos a partires das 23:00 horas. O nacionalista lembrou que este é o segundo concerto, dun programa de festas que está a ser unha referencia do verán galego.
martes, 28 xul 2009
O concelleiro de Cultura, Xesus López, desprazouse hoxe ata o Conservatorio de Música do Castro para visitar os cursos de Formaclown, que se están a desenvolver en Vigo dentro do Festival Internacional de Clown. No acto estivo acompañado polo director do Festiclown, Iván Prado, quen destacou a calidade do profesorado e tamén o interese amosado polos alumnos e alumnas.
martes, 28 xul 2009
Os concellerios de Cultura, Xesus López, e Normalización Lingüística, Iolanda Veloso, presentaron hoxe xunto aos organizadores Central Folque o proxecto "Descarga ao vivo", que o vindeiro xoves encherá o teatro do Centro Cultural Caixanova da mixtura da música galega e cubana. O concerto, no que participarán 15 músicos e 2 bailaríns, terá como actividade previa unha actividade infantil mañá no Verbum.
martes, 21 xul 2009
Desde hoxe martes, os fondos do Arquivo Pacheco están a disposición de todos os vigueses e viguesas a través dunha exposición dixital á que se pode ter acceso na súa sede da Casa das Artes. O tenente de alcalde, Santi Domínguez, salientou que será a primeira vez que a cidadanía vai poder ver a analizar a colección a través das diferentes temáticas. "Hoxe se cumple unha vella demanda da cidade, que reclamaba que este tesouro non se perdera. Non só fixemos que non se perda, senon que estamos facendo que ser revaloralice", asegurou.
xoves, 16 xul 2009
O auditorio de Castrelos abre o venres a programación das Festas de Verán coa actuación do grupo Keane ás 23.00 horas
mércores, 15 xul 2009
O concelleiro de Cultura e Animación Sociocultural do Concello de Vigo, Xesús López, anunciou hoxe que a venda de localidades para o concerto de Keane, que terá lugar este venres no Auditorio de Castrelos (23:00 horas), vai a moi bo ritmo, "xa que nestes momentos hai vendidas case tres mil localidades, o cal nos augura un cheo absoluto".
martes, 14 xul 2009
Do mércores 15 de xullo ao domingo 30 de agosto en horario de martes a domingo de 10 a 21 horas poderá visitarse no museo Verbum - Casa das Palabras a exposición temporal "10 anos de BD galega", a banda deseñada galega actual.
Castrelos e o Peirao de Trasatlánticos acollerán os grandes concertos
luns, 13 xul 2009
O tenente de alcalde, Santi Domínguez, o concelleiro de Cultura, Xesus López, e o director da Obra Social de Caixanova, Guillermo Brea, presentaron hoxe o programa das festas 2009, no que destaca a existencia de grandes concertos (Leonard Cohen, Keane, Carlos Baute+Marta Sánchez, Los Secretos, la Oreja de Van Goh, Ainhoa Arteta, Fuxan os Ventos, Coti, Melendi, Mala Rodríguez…) así como a diversidade de actividades para todas as idades e tendencias.
venres, 10 xul 2009
A praza de Compostela será un ano máis o lugar de encontro cos libros desde hoxe venres ata o 19 de xullo coa celebración da XXXV Feira do Libro de Vigo.O escritor Francisco Castro será o encargado da lectura do pregón inaugural ás 20:30 horas despois da actuación da Asociación Monteira – Grupo de Danzas do Mundo, de Vigo.