O concelleiro de Cultura asegura que Patti Smith ofrecerá o domingo en Castrelos un concerto "á carta"
A cantante, compositora, poeta e activista política Patti Smith ofrecerá o domingo 18 de xullo (23:00 horas) en Castrelos un concerto á carta, no que "o repertorio non está decidido con anterioridade, senón que depende do ánimo do público e das peticións que reciba". Así o explicou o concelleiro de Cultura e Animación Sociocultural, Xesús López, durante a rolda de prensa de presentación do concerto. No concerto, por suposto, non faltarán as cancións de sempre ("Because the night" ou "Gloria"), acompañados de temas novos.
O nacionalista recoñeceu ser un seguidor da roqueira: "Despois do éxito rotundo do primeiro concerto de Castrelos, da man de Norah Jones, chega a Vigo a mítica Patti Smith, que nos introduciu a moitos nun novo estilo de música, que nos cativou á inmensa maioría e nos convenceu de que era posible un mundo novo". López recordou as diferentes facetas desta cantante: "É polifacética, cantante, compositora, poeta, activista política e cun plantexamento claramente antibelicista" e esta actitude pode levala a facer algunha referencia aos desaparecidos durante o levantamento militar en España, que coincide precisamente coa data do seu concerto en Vigo, 18 de xullo.
Este será o cuarto concerto da xira que realizará por España (formada por sete citas), xa que con anterioridade estivo en Mallorca (12 de xullo), Huelva (15 de xullo), Cartaxena (hoxe 16) e agora Vigo. Posteriormente, actuará en Madrid (20 de xullo), San Sebastián (21 de xullo) e finalmente San Feliu de Guisols (23 de xullo).
No momento da rolda de prensa estaban vendidas 1.500 entradas e ao longo da mañá as solicitudes multiplicáronse e ás 14 horas xa estaban vendidas 2.400 localidades. Aínda queda papel e as entradas poden mercarse tanto a través de Caixanova (www.servinova.com), na Central de Espectáculos (Velázquez Moreno) e no despacho de billetes no propio auditorio de Castrelos, o mesmo día do concerto. Os prezos das localidades son 10 euros en venda anticipada e 12 euros o mesmo día do concerto en Castrelos, no despacho de billetes a partir das 20:30 horas. A apertura das portas está previsto para ás 21:30 horas.
Biografía. Patti Smith é cantante, compositora, poeta, activista política e artista da imaxe. Considerada unha das principais estrelas do firmamento da música rock, Smith deu o asalto definitivo á fama co álbum Horses (1975), que fusionaba rock, punk e poesía falada. Pouco máis tarde, en 1978, colleitou un novo éxito mundial con Easter, que tivo como single o tema "Because the Night", escrito conxuntamente con Bruce Springsteen. Patti Smith ten un total de 10 discos publicados e numerosos libros de poemas e biográficos. O seu último libro Just Kids foi un éxito extraordinario que a levou a dar recitais poético–musicais por todo o mundo. A Castrelos, a "madriña do punk" ven acompañada por dous dos músicos da súa banda orixinal -Lenny Kaye na guitarra e Jay Dee Daugherty, na batería-, por Tony Shanahan, que a acompaña no baixo e nos teclados desde 1996, e máis por Jack Petruzzelli á guitarra.
Descargar todas as imaxes
Este será o cuarto concerto da xira que realizará por España (formada por sete citas), xa que con anterioridade estivo en Mallorca (12 de xullo), Huelva (15 de xullo), Cartaxena (hoxe 16) e agora Vigo. Posteriormente, actuará en Madrid (20 de xullo), San Sebastián (21 de xullo) e finalmente San Feliu de Guisols (23 de xullo).
No momento da rolda de prensa estaban vendidas 1.500 entradas e ao longo da mañá as solicitudes multiplicáronse e ás 14 horas xa estaban vendidas 2.400 localidades. Aínda queda papel e as entradas poden mercarse tanto a través de Caixanova (www.servinova.com), na Central de Espectáculos (Velázquez Moreno) e no despacho de billetes no propio auditorio de Castrelos, o mesmo día do concerto. Os prezos das localidades son 10 euros en venda anticipada e 12 euros o mesmo día do concerto en Castrelos, no despacho de billetes a partir das 20:30 horas. A apertura das portas está previsto para ás 21:30 horas.
Biografía. Patti Smith é cantante, compositora, poeta, activista política e artista da imaxe. Considerada unha das principais estrelas do firmamento da música rock, Smith deu o asalto definitivo á fama co álbum Horses (1975), que fusionaba rock, punk e poesía falada. Pouco máis tarde, en 1978, colleitou un novo éxito mundial con Easter, que tivo como single o tema "Because the Night", escrito conxuntamente con Bruce Springsteen. Patti Smith ten un total de 10 discos publicados e numerosos libros de poemas e biográficos. O seu último libro Just Kids foi un éxito extraordinario que a levou a dar recitais poético–musicais por todo o mundo. A Castrelos, a "madriña do punk" ven acompañada por dous dos músicos da súa banda orixinal -Lenny Kaye na guitarra e Jay Dee Daugherty, na batería-, por Tony Shanahan, que a acompaña no baixo e nos teclados desde 1996, e máis por Jack Petruzzelli á guitarra.