Abel Caballero, que subiu ao simulador acompañado da Patrulla Águila e dun grupo de reporteiros asegurou que a experiencia é "espectacular" e convidou a todos os vigueses a probalo. Estará durante todo o día de hoxe e mañá na praza do Concello e o domingo instalarase en Samil desde as 10 da mañá ata que acabe o Festival Aéreo.
A cantante, compositora, poeta e activista política Patti Smith ofrecerá o domingo 18 de xullo (23:00 horas) en Castrelos un concerto á carta, no que "o repertorio non está decidido con anterioridade, senón que depende do ánimo do público e das peticións que reciba". Así o explicou o concelleiro de Cultura e Animación Sociocultural, Xesús López, durante a rolda de prensa de presentación do concerto. No concerto, por suposto, non faltarán as cancións de sempre ("Because the night" ou "Gloria"), acompañados de temas novos.
Por terra, por mar e por aire. Arrancan os primeiros adestramentos dos pilotos e as actividades programadas dentro do marco do Festival Aéreo Internacional de Vigo que atraerán a Vigo a miles de curiosos durante esta fin de semana. Mañá sábado o alcalde acudirá ao "briefing" de pilotos que terá lugar no hotel Cidade de Vigo, onde se lles ofrecerá unha homenaxe polo seu XXV Aniversario. Xa o domingo o tráfico estará restrinxido na Avenida de Europa e o Concello activará o servizo de lanzadeiras de Vitrasa desde As Travesas ata Samil cada dous minutos.
O concelleiro de Patrimonio Histórico, Eudosio Álvarez, visitou hoxe a montaxe da exposición de escultura "Natureza con arte" que se inaugurará o día 22 nos xardíns históricos de Castrelos con obras de 27 artistas galegos e portugueses. "É posiblemente a exposición de escultura máis importante que se está realizando nestes momentos en Galiza", afirmou. A exposición permanecerá aberta ata o 31 de outubro no horario habitual de visita aos xardíns.
O programa "Domingos de Museo" celebrará o vindeiro 18 de xullo, de 11.30 a 12.30 horas, unha nova actividade no Museo de Castrelos, destinada especialmente a nenos e nenas de 4 a 12 anos. Trátase do obradoiro "O ladrón de cores", que segundo indica o concelleiro de Patrimonio Histórico, Eudosio Álvarez, permitirá descubrir os diferentes xeitos que teñen os pintores de utilizar as cores.
O concelleiro de Deportes, Xabier Alonso, recibiu hoxe á loitadora viguesa Nerea Vila que do 3 ao 8 de agosto competirá en Saraxevo no Campionato europeo cadete de loita grecorromana e libre. Nerea Vila conseguiu o pase ao que será o seu primeiro torneo internacional nunha fase previa que se disputou o mes pasado en Alemania, converténdose na primeira loitadora galega que vai participar nun europeo cadete.
Ponse en coñecemento do público as seguintes restriccións de tráfico: