mércores, 17 feb 2010
A partir do mércores 23 de febreiro comeza no MARCO un novo curso para adultos, impartido por Ana Pereira Molares, e destinado a persoas interesadas en coñecer os principais movementos e autores da historia da arte contemporánea. Neste caso trátase dun curso cuadrimestral que baixo o título ‘A FOTOGRAFÍA. Historia doutra mirada’, analiza os principais movementos e autores da historia da fotografía, dende o seu nacemento ata as últimas tendencias.
mércores, 17 feb 2010
O concelleiro de Cultura, Xesus López, destacou este mércores a singularidade do festival SinSal, que ofrecerá o seu seguinte concerto o 8 de abril no Museo Marco, coa actuación de Lisa Germano e Philip Selway, o batería da banda Radiohead. O nacionalista salientou asemade que se trata dun dos festivais de máis calidade e máis éxito da cidade, que presenta novamente, na súa octava edición, unha programación innovadora e comprometida.
martes, 16 feb 2010
Responsos, sermóns e cantos solemenes, dentro dos oficios laicos que se desenvolverán na Estación marítima de Ría, a partir das 20.30 horas do mércores, van a servir para despedir o Entroido 2010 en Vigo, unha celebración que desde o 12 de febreiro estimulou a participación cidadá no popular festexo e tamén a recuperación dalgúns elementos representativos do espirítu carnavaleiro implícito en vellas tradicións que estiveron presentes nas rúas e prazas do casco vello vigués.
venres, 12 feb 2010
A planta baixa das Casa das Artes acolle do 13 de febreriro ó 7 de marzo a exposición "Vicus x Haiti".A iniciativa dun grupo de artistas de Vigo, o Concello de Vigo puxo en marcha, unha exposición con obras de cento corenta e cinco creadores plásticos (pintores, escultores, fotógrafos, ilustradores, etc) como testemuño de solidariedade. A intención primordial é recadar o maior número de fondos posibles con destino a "URXENCIA EN HAITÍ" de UNICEF, organismo internacional de axuda á infancia.
venres, 12 feb 2010
O Entroido 2010 sae con todo o seu colorido e animación este fin de semana ás rúas de Vigo, donde se desenvolverán algunhas das actividades máis participativas do calendario carnavaleiro na cidade, entre outras o desfile de comparsas e carrozas, durante a xornada do sábado a partir das sete da tarde. As convocatorias abertas aos máis pequenos, charangas, concurso de coplas e serán están previstas para a tarde do domingo.
xoves, 11 feb 2010
O concelleiro de Cultura, Xesus López, anunciou hoxe que o auditorio de Castrelos acollerá o 14 de xullo o concerto da cantante, pianista e compositora Norah Jones. Esta actuación, que se enmarca na xira mundial da artista, é unha das tres únicas citas que a cantante terá no Estado español e a única en Galiza, nas que Jones presenta o cuarto traballo, titulado "The Fall".
mércores, 10 feb 2010
Participativo, trouleiro, musical e urbanita, pero ser perder a súa identidade, son algúns dos calificativos que se atopan no momento de definir o programa do Entroido de 2010 en Vigo, un evento que, desde o 12 ao 17 de febreiro está encamiñado a encher as rúas da ledicia que representan disfraces, charangas, pasarrúas e persoeiros propios da celebración de don Carnal, cuxo programa foi presentado hoxe mércores polo concelleiro de Cultura, Xesús López, quen estivo acompañado, entre outras personas, do pregoeiro deste ano, o actor Antonio Durán "Morris".
martes, 9 feb 2010
O MARCO, Museo de Arte Contemporánea de Vigo, lembra que esta é a derradeira semana en que permanecerá aberta ao público a exposición do artista JORGE BARBI, comisariada por Juan de Nieves, que dende o 16 de outubro de 2009 ocupa os espazos da planta baixa, e que se clausura este domingo 14 de febreiro.
luns, 8 feb 2010
A Casa Galega da Cultura, na praza da Princesa 2, será escenario na xornada do martes, a partir das 20 horas do acto de apertura da exposición fotográfica titulada "Luz verde", do vigués Román Pereiro Alonso, que sitúa ás imaxes dentro do ámbito das derradeiras correntes da fotografía nas que hai un acercamento cara outros eidos artísticos. A mostra permanecerá en cartel ata o próximo 28 de febreiro.
xoves, 4 feb 2010
Do 4 de febreiro ao 21 de marzo o Verbum amosa a mostra "Unha viaxe con Ramón Cabanillas a través da Fotografía".Co gallo da celebración no 2009 do Ano Cabanillas foron varias as iniciativas para recuperar a memoria deste insigne autor das nosas Letras. Desde o museo Verbum decidiuse programar unha exposición que dese unha visión íntima e persoal sobre o traballo do autor, que achegara ao<br />
Ramón Cabanillas máis íntimo a través da escolma de trinta e tres traballos realizados por once fotógrafos galegos actuais baseados na obra de Cabanillas, presente tamén na exposición.
