xoves, 8 abr 2010
O concelleiro de Cultura, Xesus López, presentou este xoves a programación correspondente ao Vigo a Escena 2010, que nesta nova edición inclúe 98 representacións de 23 compañías teatrais. Ademais, na presentación, o edil salientou que este ano se integra de forma paralela o circuíto de compañías profesionais e o de compañías afeccionadas, respostando así a unha vella demanda do ámbito teatral.
martes, 6 abr 2010
O concelleiro de Cultura, Xesus López, presentou este martes o novo Coro Cidade de Vigo, que ten aberto o prazo de inscrición ata o 1 de maio para efectuar a selección das voces os días 7 e 8 de maio no Conservatorio Superior de Música. O edil salientou que este coro nace como complemento do programa "Vigo, un mar de corais" que promove a Concellería de Cultura coas diferntes corais da cidade e co obxectivo de promover a práctica musical dos seus integrantes.
mércores, 31 mar 2010
Está aberto o prazo de inscrición para o obradoiro "Identidade e diferenza na literatura. Obradoiro de lectura" que terá lugar no Verbum Casa das Palabras tódalas tardes do mes de abril a partir do vindeiro martes 6. O obradoiro diríxese a todo tipo de público interesado na temática proposta e con querenza pola lectura, ten inscrición gratuíta,cun aforo de 40 persoas.<br />
mércores, 31 mar 2010
O tenente de alcalde, Santi Domínguez, anunciou este mércores que o vindeiro 22 de maio actuará Alejandro Sanz no Ifevi, onde presentará o seu último disco "Paraíso expréss". Na presentación do concerto, na que tamén participou o concelleiro de Cultura, Xesus López, o xerente do recinto feiral, Arsenio prieto, e o promotor Jesús Manzano, o nacionalista salientou que Sanz é "o mellor cantante español de nivel internacional que se pode presentar" na actualidade. Xa están á venda 10.000 entradas, a un prezo de 30 euros a entrada xeral e 55 euros a correspondente ao "Espazo Paraíso", para a que estarán dispoñibles 600 entradas.
martes, 30 mar 2010
Diante do éxito de público que está a rexistrar, a mostra "Xoias da Colección Álvarez: Esplendor cerámico de Vigo", prorroga o seu tempo de exposición unha semana máis do inicialmente previsto. Así a mostra se poderá visitar na Casa das Artes ata o 25 de abril e non ata o día 18 como inicialmente estaba previsto. O horario de luns a venres é de 18 a 21.30 horas; os sábados de 11 a 14 horas e de 18 a 21.30 horas e os domingos e festivos de 11 a 14 horas. Para participar nas visitas guiadas é previso reservar chamando ao teléfono 986 295 070.
venres, 26 mar 2010
O tenente de alcalde, Santi Domínguez, destacou a importancia que as humanizacións acometidas no Casco Vello terán na celebración este ano Festa da Reconquista. Na presentación da programación deste ano, xunto ao presidente da Asociación de Veciños do Casco Vello, Henrique Macías, e o concelleiro de Patrimonio Histórico, Eudosio Álvarez, o concelleiro salientou a proxección que a festa, que se celebra esta fin de semana, ten xa fóra da nosa cidade.
martes, 23 mar 2010
O museo Verbum-Casa das Palabra inaugura o mércores, día 24 de marzo, a exposición Álvaro Cunqueiro – Fotobiografía Sonora que se poderá visitar ata o 17 de maio.A mostra, inspirada no libro-CD de Ouvirmos, Fotobiografía Sonora de Álvaro Cunqueiro, presenta ao público o lado máis persoal e íntimo do mindoniense a través dunha selección dos seus obxectos persoais, fotografías do seu álbum familiar e incluso o son da súa propia voz.
martes, 23 mar 2010
O concelleiro de Cultura, Xesus López, anunciou este martes dous novos concertos que terán lugar no auditorio de Castrelos. O primeiro deles será a actuación de Patti Smith o 18 de xullo, e o seguinte o 7 de agosto con David Bisbal. "Son dous concertos absolutamente diferentes dirixidos a públicos distintos porque dende a Concellería de Cultura queremos facer unha programación que chegue a todos os públicos", destacou o edil.
xoves, 18 mar 2010
As Conferencias fantásticas son un espectáculo dirixido a todos os públicos nos que de forma lúdica, pero á vez pedagóxica, cada semana se introduce aos participantes nun tema protagonista na Casa das Palabras. Cada unha destas conferencias é teatralizada e con grandes doses de humor, de forma que resulte dinámica e amena.
xoves, 18 mar 2010
Dentro da programación do ALT Festival Alternativo das Artes Escénicas, o venres día 19 de marzo, farese un programa especial con tres traballos da nosa comunidade.Contarase coa presenza de Carolina Fernández, creadora audiovisual, bailarina e performer; Alfonso Rivera, profesor de mimo e expresión corporal na ESAD de Galiza e creador; Uxía P. Vaello e Borja Fernández, artístas multidisciplinares procedentes de distintas artes coma danza, circo e teatro.<br />
<br />
