mércores, 9 xuñ 2010
As entradas para asistir ao concerto de Joan Manuel Serrat, que terá lugar no auditorio de Castrelos o vindeiro 22 de xullo ás 23 horas, saen mañá á venda. Segundo anunciou o concelleiro de Cultura, Xesus López, poñeranse á venda 1.500 entradas, a un prezo de 10 euros na venda anticipada e 12 euros o mesmo día da actuación. Poderanse mercar en www.servinova.com, no teléfono 902 504 500 e na Central de Espectáculos (rúa Velázquez Moreno).
venres, 4 xuñ 2010
O vindeiro domingo 6 de xuño, o Museo Quiñones de León desenvolve unha nova edición do programa para familias "Domingos de museo", que se celebrará baixo o título "O xogo da abstracción". Segundo salientou o concelleiro de Patrimonio Histórico, Eudosio Álvarez, esta iniciativa é de carácter gratuíto e está dirixido a nenos e nenas entre os 4 e os 12 anos
venres, 4 xuñ 2010
O concelleiro de Cultura, Xesus López, anunciou este venres que Joan Manuel Serrat actuará no auditorio de Castrelos, o vindeiro 22 de xullo ás 23 horas, no marco da programación das Festas de Vigo 2010. O concelleiro nacionalista destacou que no seu concerto, o artista catalán presentará o seu último traballo "Hijo de la luz y de la sombra", no que pon música a poemas de Miguel Hernández no centenario do seu nacemento.
xoves, 3 xuñ 2010
O concelleiro de Cultura, Xesus López, anunciou este xoves que a Fundación Laxeiro pon en marcha o voluntariado da terceira idade para impulsar as visitas guiadas á colección permanente. Para participar nos percorridos, que poderán facerse en calquera día da semana, as persoas interesadas terán que poñerse en contacto coa Fundación a través do teléfono 986 438 475 ou mediante o correo fundación@laxeiro.es.
mércores, 2 xuñ 2010
O concelleiro de Cultura, Xesus López, presentou hoxe a 40 edición do Día da Muiñeira e o XI Concurso de Ensalzamento do Traxe Galego, que se celebrarán o vindeiro sábado, 5 de xuño. O nacionalista sinalou que máis de 1.500 persoas participarán no acto central do evento, que terá lugar na Praza de Compostela ás 20.30 horas.
luns, 31 mai 2010
As entradas para asistir ao concerto que David Bisbal ofrecerá o 7 de agosto ás 23 horas en Castrelos, dentro das Festas de Verán 2010, sairán o martes, 1 de xuño, á venda. Segundo anunciou o concelleiro de Cultura, Xesus López, poñeranse á venda 3.500 entradas, e o seu prezo será de 8 euros na venda anticipada, a través do servizo Servinova de Caixanova e na Central de Espectáculos, e 10 euros na taquilla o mesmo día do concerto.
luns, 31 mai 2010
Os tres grupos politicos ratificaron este luns no Pleno da Corporación a creación da biblioteca pública municipal "Xosé Neira Vilas", sita en Martínez Garrido, e a solicitude á Xunta de Galicia para que sexa integrada na Rede de Bibliotecas de Galicia. A nova dotación cultural será encadrada na Concellería de Cultura do Concello de Vigo e contará con WIFI, servizos infantís e xuvenís e un espazo público multimedia.
venres, 28 mai 2010
O vindeiro luns, 31 de maio, remata o prazo para mercar os abonos para asistir aos concertos do Festival de Jazz Imaxina Sons que terán lugar no Centro Cultural Caixanova, MARCO e Auditorio Municipal. O abono completo, que posibilita asistir aos dez concertos, ten unha bonificación do 15% na compra telefónica no 902 504 500.
xoves, 27 mai 2010
O concelleiro de Cultura, Xesus López, anunciou este xoves que hoxe entra en funcionamento a páxina web da Concellería, Vigocultura, baseada na nova imaxe corporativa. Segundo o concelleiro nacionalista, Vigocultura é unha páxina de "gran atractivo visual e fácil utilización" que ofrece información completa da programación cultural organizada pola concellería, tanto presente como futura.
xoves, 27 mai 2010
As entradas para asistir ao concerto que a cantante americana Patti Smith ofrecerá o 18 de xullo ás 23 horas en Castrelos, dentro das Festas de Verán 2010, sairán mañá venres á venda. Segundo anunciou o concelleiro de Cultura, Xesus López, poñeranse á venda 3.500 entradas, e o seu prezo será de 10 euros na venda anticipada, a través do servizo Servinova de Caixanova e na Central de Espectáculo, e 12 euros na taquilla o mesmo día do concerto.