Varios grupos vigueses de hip hop terán a posibilidade de amosar o seu traballo ao público vigués no auditorio de Castrelos o día 5 de agosto a partir das 22:00 horas, antes da actuación de Public Enemy, no que é o concerto de apertura do Marisquiño. Así o explicou o concelleiro de Cultura e Animación Sociocultural, Xesús López, durante a rolda de prensa de presentación do concerto.
O concelleiro de Cultura e Animación Sociocultural, Xesus López, destacou que o obxectivo do programa Vigo Urban é crear unha plataforma para que os grupos vigueses teñan onde facer a súa música. Este programa comezará mañá coa noite Funk e as actuacións de Mr Caracter (22:30 horas) e de Phantom Club (24:00 horas).
O concelleiro de Cultura e Animación Sociocultural, Xesus López, destacou que xa é unha realidade que Vigo é unha cidade de grandes concertos: "Iso é grazas a que contamos con magníficas promotoras en Vigo, como Articket que nos permiten contar con grandísimos artistas como este ano por exemplo Patti Smith, Norah Jones, Joan Manuel Serrat e agora Motörhead". O concerto desta banda, con Lemmy Kilmister, Phil Campbell e Mikkey Dee, terá lugar mañá día 3 de agosto, a partir das dez da noite, no pavillón de As Travesas.
O tenente de alcalde de Vigo, Santi Domínguez, e o concelleiro de Cultura e Animación Sociocultural, Xesus López, presentaron hoxe a Semana Grande das Festas de Vigo, que comezará o luns día 2 de agosto coa lectura do pregón por parte do actor galego Luis Zahera (21:30 horas) e a actuación da compañía Xarxa Teatre (22:00 horas). O nacionalista explicou que neste acto tamén estará presente o acto Luis Tosar, que recibirá ese mesmo día pola mañá o título de embaixador honorífico do Casco Vello de Vigo.
A décima edición do festival de deportes e cultura urbana O Marisquiño, que terá lugar entre os días 5 e 8 de agosto, pretende superar os espectaculares datos do último ano, segundo explicou o concelleiro de Cultura e Animación Sociocultural, Xesús López. "O ano pasado houbo 750 participantes de todo o mundo, 45.000 espectadores, 300.000 visitas on-line nunha fin de semana e máis dun millón de reproduccións de todos os vídeos colgados na rede. Pois todas estas cifras, que son incribles, vanse quedar pequenas na presente edición", manifestou López.
O tenente de alcalde, Santi Domínguez, destacou onte martes o grande esforzo que está a realizar a Coral Casablanca, para achegarse a novos públicos, con espectáculos diferentes e actuais e que poderá comprobarse o próximo día 30 de xullo no auditorio de Castrelos (22:30 horas). A coral presentará nese concerto o programa "Belle Pop", no que fará un percorrido por algunas das cancións máis coñecidas do pop español en versión sinfónico-vocais.
O concelleiro de Cultura e Animación Sociocultural, Xesus López, destacou que "o Festiclown é un dos festivais do mundo do clown máis importantes de Europa". O nacionalista fixo estas declaracións durante a rolda de prensa de presentación do Festiclown, que se desenvolverá en Vigo entre os días 26 de xullo e 1 de agosto. No acto de presentación tamén estivo presente o director do festival, Iván Prado, quen agradeceu o apoio e o cariño do Concello de Vigo.
O espectáculo "Castrelos Circus", que terá lugar no auditorio de Castrelos o próximo día 9 de agosto (22:30 horas), ofrecerá ao público vigués un programa único e irrepetible. O concelleiro de Cultura, Xesus López, indicou na presentación que será un espectáculo único e irrepetible de homenaxe ás orixes do circo. O director da compañía "La Fiesta Escénica", Abel Martín, organizadora do evento, indicou que acoden a Vigo para participar artistas e números que "nunca estiveron en España e que nunca se xuntaron no mesmo escenario".
Joan Manuel Serrat presentará o xoves 22 de xullo (23:00 horas) o espectáculo "Hijo de la luz y de la sombra", en homenaxe a Miguel Hernández, no centenario do seu nacemento. O concelleiro de Cultura e Animación Sociocultural, presentou hoxe o concerto, xunto ao representante da promotora, Demonio Producciones, Antonio Barreiro, e ambos destacaron a espectacularidade da actuación.
O concelleiro de Cultura, Xesus López, anunciou hoxe que o novo coro clásico de Vigo fará a súa presentación diante do público este mércores, ás 20:30 horas, nun concerto que terá lugar no Auditorio Municipal, con entrada libre ata completar o aforo. O nacionalista explicou que esta formación, que se denominará Concento de Vigo, nace para promover o coñecemento técnico e a práctica musical entre os seus membros, pero tamén para "promocionar a ciade a través da música coral".