venres, 29 xan 2010
Os próximos días 4,5 e 6 de febreiro terá lugar no Verbum o obradoiro de pensameneto contemporáneo "Cómo facer cousas coas palabras" que organiza do colectivo "Proxecto Derriba". A actividade, de carácter gratuito, está dirixida ao público xeral , afeccionados á contemporaneidade das ciencias en xeral e universitarios. O prazo de inscrición está aberto ata completar o aforo de 40 persoas.
venres, 29 xan 2010
O Museo de Arte Contemporánea de Vigo ofrece desde hoxe, nas salas do primeiro andar, Cousas que só un artista pode facer, unha singular exposición que ten en conta a presenza do humor en obras adscritas a distintas correntes e pertecentes a unha ducia de creadores de diferentes nacionalidades pero que coinciden na forma de traballar. A mostra permanecerá aberta ao público ata o 2 de maio.
luns, 25 xan 2010
Ata o 14 de febreiro continúa aberta ao público na planta baixa do MARCO a mostra individual de Jorge Barbi (A Guarda, Pontevedra, 1950), comisariada por Juan de Nieves. A exposición baséase na idea do percorrido, do paseo, e da observación cotiá da natureza e as súas mutacións, como un extenso arquivo que o artista foi construíndo ao longo do tempo.O argumento creouse a partir de varias series de fotografías realizadas nos últimos anos, xunto cunha coidada selección de pezas anteriores, e novas producións específicas para esta mostra, intentando establecer novas lecturas do seu traballo.
martes, 19 xan 2010
O concelleiro de Cultura, Xesus López, presentou este martes a proposta gañadora, dotada con 800 euros, do concurso de cartaces da Reconquista do 2010 e que servirá de imaxe oficial á festa. Na presentación, na que tamén participou o presidente da Asociación Veciñal do Casco Vello, Henrique Macías, e dous dos autores, Xesus López presentou tamén os duos cartaces aos que se lle concederon os áccesits, dotados con 400 euros cada un.
luns, 18 xan 2010
Entre finais deste mes de xaneiro e principios de febreiro, o MARCO inaugura as dúas primeiras exposicións do ano 2010 –a colectiva ‘Cousas que só un artista pode facer’ no primeiro andar, á que seguirá o proxecto de Jose Dávila no Espazo Anexo– coas que arranca a programación dos vindeiros doce meses.
venres, 15 xan 2010
Espacio Atlántico abriu a súas portas o xoves pola tarde nas instalacións do Instituto Feiral (IFEVI), donde concurre todo o fin de semana unha nutrida representación de galeristas que converten a Vigo en referente da arte contemporánea, en especial de pintura, fotografía e escultura, aínda que tamén se poden apreciar vídeo e o traballo en vivo dun artista vigués. A todos eles engádese Leopoldo Nóvoa, a quen nesta edición se lle fai unha homenaxe con presenza incluida da súa obra.
mércores, 13 xan 2010
Baixo o lema "ven a escoitar o que os teus ollos queren contarche", inicia a súa andaina Espacio Atlántico, nas instalacións do Instituto Feiral de Vigo (IFEVI), donde 52 expositores de galerías españolas e portuguesas dispoñen de 15.000 metros cadrados para expoñer as principais novidades do eido artístico desde o 14 ata o próximo domingo. Deste xeito, a convocatoria, que chega a cuarta edición, aspira a converterse na principal referencia do noroeste peninsular dentro do sector da plástica.
xoves, 7 xan 2010
O Verbum programa para este mes os obradoiros sobre "A Historia de Galicia" dirixidos a nenos e nenas a partir dos catro anos. Os obradoiros terán lugar os domingos de xaneiro de 12 a 13.30 horas cun aforamento limitado a 50 asistentes. A entrada é por orde de chegada e ten un prezo de 1 euro por asistente.
mércores, 30 dec 2009
O concelleiro de Cultura, Xesus López, presentou hoxe a axenda do ano 2010 elaborada con fotografías do Arquivo Pacheco. O nacionalista salientou que esta iniciativa é un exemplo máis da aposta pola posta en valor dos fondos fotográficos cos que conta a cidade de Vigo e anunciou que se van incrementar o ano que vén coa adquisición do Arquivo Ksado.
martes, 22 dec 2009
O concelleiro de Cultura, Xesus López, salientou este martes que o programa MoveVigo Nadal 2009 organizado pola Federación Veciñal Eduardo Chao amplía ata 95 o seu número de actividades para chegar a un total de 26 barrios e parroquias. Na presentación do programa, na que tamén participou o responsable de Cultura da Federación Veciñal, Xosé Couñago, o edil afirmou que "do que se trata é de achegar a cultura a toda a cidadanía".