Este luns tivo lugar no edificio municipal do Areal a constitución do Consello Consultivo das TIC, do que formarán parte todas aquelas empresas do sector ubicadas en Vigo e a súa área de influencia. O seu obxectivo será que os expertos na materia asesoren ao alcalde nos proxectos que favorezan a mellor calidade de vida dos cidadáns e á cidade no seu conxunto.
A próxima edición da Feira Mundial da Pesca se celebrará en Vigo o próximo ano 2009, e o alcalde avanzou que xa se está a preparar un evento que permitirá que "a atención mundial" da pesca se fixe na cidade. Abel Caballero mantivo este venres un encontro co director da Feira, Alfonso Paz Andrade, tras o cal adiantou que a sostenibilidade da pesca será un dos pilares da WFE viguesa do 2009.
As novas instalacións, que substitúen ás de Tomás Alonso, contan con dúas aulas de informática, un taller de electricidade, un aula polivalente e unha cociña industrial, e formará a desempregados e traballadores en activo. Abel Caballero subliñou a relevancia da formación cualificada para o crecemento económico e o emprego "estable e de calidade".
Cada día, 6 vigueses fanse doantes de órganos e xa se contan en Vigo con entre 12.000 e 15.000 propietarios do carné de doante. O alcalde, Abel Caballero, o Presidente de ADROVI, Celso García, e o coordinador de transplantes do CHUVI, o Doutor González agradeceron aos vigueses a súa xenerosidade por mor do Día Internacional do Doante que se celebrá mañá mércores.
O alcalde mostrouse este luns "moi satisfeito" de que a Autoridade Portuaria leve adiante definitivamente "dous grandes proxectos para esta cidade", Nouvel e Beiramar. Esta circunstancia foi cualificada de "magnífica decisión" polo rexedor municipal, quen avanzou que na próxima semana se reunirá co seu Presidente, Suso Paz, para coñecer en detalle a ampliación aprobada o pasado venres.
ASEHOSPO mantivo este mércores un encontro con Abel Caballero no que pediron constituir unha mesa de diálogo de temas de turismo entre a Alcaldía e a Asociación. Para o mesmo, ambos mostraron a importancia de facer de Vigo cidade cebeceira de cruceiros, para o que o alcalde considera "básico" o Plan Nouvel.
A campaña Sonche Xan!, posta en marcha pola Consellería de Pesca e Asuntos Marítimos, foi presentada este venres en Vigo, na procura de incrementar o consumo de peixe na poboación infantil de entre catro e doce anos. Na presentación participaron a conselleira de Pesca, Carmen Gallego, o alcalde, Abel Caballero, e o campión olímpico de piragüismo, David Cal.
O alcalde de Vigo e Presidente da Fundación Laxeiro, Abel Caballero, e a Presidenta do Parlamento de Galicia, Dolores Villarino, asinaron este venres un convenio polo que preto de 40 obras estarán expostas na Cámara autonómica entre setembro e decembro deste ano. Esta actividade se enmarca no centenario do nacemento do pintor.
O alcalde de Vigo, Abel Caballero, mantivo este xoves unha reunión con representantes da Asociación de Doantes e Receptores de Órganos de Vigo, ADROVI, onde acordaron celebrar o próximo 2 de xuño unha xornada de sensibilización para "agradecer" aos vigueses a súa "solidariedade" e mostralo "a Galicia e España". Vigo é a cidade de Galicia que conta con máis tarxetas de doantes.
No acto de inauguración da Feira Internacional da Industria Naval, Navalia 2008, que se celebra no IFEVI do 20 ao 22 de maio, o alcalde destacou o "gran momento" polo que está a pasar o naval vigués, o seu "enorme potencial", e a importancia do emprego cualificado para "continuar a ser internacionalmente competitivos".