O prestixioso arquitecto español, Rafael Moneo, visitou este luns Vigo para estudar, na compaña do alcalde de Vigo, Abel Caballero, e dos responsables municipais de Urbanismo, as posibilidades que ofrece o entorno da Praza do Rei. O alcalde quere "convencer" a Moneo para que se faga cargo dunha reforma "ambiciosa e complexa", "exemplar para o futuro"
Abel Caballero considera que o comercio é un dos sectores que máis acusa a ralentización económica, polo que solicitou da Xunta de Galicia a elaboración dun Plan específico que "focalice a súa atención" neste sector para paliar os efectos da desaceleración, en especial no pequeno comercio. <br /> O alcalde destacou o peso do comercio en Vigo na apertura dun novo supermercado na cidade.
Abel Caballero valorou este mércores a nova Lei Autonómica do Solo, impulsada pola Consellaría de Política Territorial, que contempla para as grandes cidades unha reserva do solo do 40% para vivenda con algún tipo de protección. O alcalde afirma que, coa incorporación no novo Plan Xeral do 43% de VPO, Vigo está "á vangarda do urbanismo moderno en España".
<br /> Abel Caballero visitou este mércores as dependencias da Fundación ONCE en Vigo, e solicitou a súa cooperación para garantir a accesibilidade de todos os proxectos postos en marcha polo Concello de Vigo. Do mesmo xeito, ofreceuse a colaborar coa entidade no que precisen.
Os organizadores desta Feira Internacional da Industria Naval presentáronlle este martes ao alcalde o evento que se celebrará os días 20,21 e 22 de maio, e que chega nun "magnífico momento do naval vigués", cun volume de contratacións asegurado ata o ano 2014.
O alcalde, Abel Caballero, recibiu este luns aos representantes da A.VV. Centro Sociocultural San Miguel de Oia, quenes lle transmitiron as necesidades da parroquia, sobre todo en materia de beirarrúas e asfaltados. O alcalde comprometeuse a comprobar in situ o estado da zona, e avanzou que se humanizará a unión da praia de Canido coa rúa Arquitecto Cominges.
Abel Caballero, tras o encontro deste venres coa Federación de Usuarios de Porto de Vigo, salientou que está a espera de que a Autoridade Portuaria presente o proxecto definitivo de ampliación para comezar a "escoitar á cidade" na procura de alcanzar un acordo global para "o Porto do futuro".
O Concello quere que Rafael Moneo, con quen xa se mantiveron contactos previos, sexa o encargado de reformar a Praza do Rei. O alcalde de Vigo, Abel Caballero, avanzou que o arquitecto mostrouse "moi interesado" e visitará Vigo "este mes" para estudar as posibilidades de mellora do edificio do Concello, a futura Biblioteca do Estado, a chegada desde A Falperra e o cruce de Venezuela con Camelias e a subida a O Castro.
O Concello de Vigo, a Xunta de Galicia e o Ministerio de Fomento acordaron que a Alta Velocidade entre en Vigo por un túnel desde Redondela, o que permitirá crear un parque urbano de 3 quilómetros de longo no actual percorrido das vías do tren. O acordo solventa o problema dos afectados de Teis polo AVE, xa que quedan suspendidas as expropiacións.
Abel Caballero ofreceu unha recepción na Alcaldía do Concello de Vigo ao equipo técnico e o plantel do Gestibérica Vigo, por mor do seu título na Leb Bronce e o ascenso á categoría de Plata. Unha exitosa campaña que van celebrar cos afecionados ao baloncesto este venres no Pavillón das Travesas.