martes, 4 out 2011
Abel Caballero avogou hoxe martes porque a Marca Vigo permita difundir e coñecer a nosa cidade en toda España. Durante unha intervención no Foro Nova Economía, Caballero culificou de "estratéxicos e vitais" a industria da automoción e o naval, ao tempo que avanzou, con apoio dos orzamentos municipais, "unha aposta decidida pola diversificación económica". Nesta liña anunciou "unha grande movilización desta cidade buscando o seu futuro, potenciando a capacidade de Vigo para facer escoitar a súa voz", un proxecto, que se canalizará a través da Vigo Convention Bureau. <br />
martes, 4 out 2011
Nunha conferencia ofrecida este martes do "Forum Europa. Tribuna Galicia" polo inicio do curso político, o alcalde de Vigo avogou por continuar presionando á Xunta de Galicia e ao Goberno de España para que manteñan as políticas dirixidas aos sectores industriais estratéxicos. Na súa intervención, Caballero subliñou os investimentos de José Blanco en Vigo desde o Ministerio de Fomento, en particular os 650 millóns de euros da integración ferroviaria na primeira cidade de Galicia.
martes, 4 out 2011
No acto de apertura da décimo terceira edición desta Feira do Conxelado, Abel Caballero subliñou a tradición pesqueira e transformadora da cidade de Vigo e reclamou o respaldo das institucións a Conxemar. O evento, que pechará as súas portas o xoves, reúne no IFEVI a 520 expositores de 39 países completando a totalidade da superficie bruta expositiva, 31.500 metros cadrados. <br />
luns, 3 out 2011
O alcalde de Vigo, Abel Caballero, mantivo hoxe luns un encontro cun grupo de efectivos da Policía Local que realizan escalada, dentro do programa "Vigo en las auturas". Os membros deste grupo compartiron co rexedor as súas experiencias na montaña e recordaron o seu ascenso ao Atlas, no que fixeron os tres catro miles (segundo pico máis alto de África) e nos Andes, no cerro Plata, un pico de 6.050 metros, nos que colocaron a bandeira de Vigo. Tamén lle transmitiron a súa intención de coronar algún pico do Nepal.
luns, 3 out 2011
<br />
O alcalde de Vigo recibiu hoxe luns esta "magnífica nova" tras terse asinado o convenio na Alcaldía entre o Instituto Feiral de Vigo e o aeroporto de Vigo. Segundo explicou Caballero, o novo aparcamento de Peinador reservará 600 prazas -ampliables a 900, dependendo da demanda- para uso do recinto feiral, resolvendo así "un dos grandes problemas" do IFEVI.
luns, 3 out 2011
Abel Caballero certificou hoxe luns "Vigo vai ter albergue" ben no edificio da antiga Escola de Hostelería, ben en Marqués de Valterra, proposto polos Misioneros do Silencio este pasado fin de semana. Os traballos de adaptación do inmoble do Berbés continuarán segundo o plan previsto, ao ser "imprescindibles" para acoller calquera uso municipal.
venres, 30 set 2011
O alcalde de Vigo, Abel Caballero, mantivo na mañá de hoxe venres un encontro institucional co comandante do buque da Armada Española Juan Carlos I, Cristóbal González-Ayer Lacalle. Na recepción oficial tamén estivo presente o comandante naval de Vigo, Joaquín Ballesteros.
venres, 30 set 2011
"Observamos con preocupación que a crise, de gran dureza, e a necesidade de pervivencia están a cambiar la escala de valores", apuntou o alcalde, un cambio no que o medioambiente non pode ver alterada a súa posición prioritaria na axenda política. Caballero participou este venres no Auditorio Mar de Vigo na mesa "Mobilidade Urbana. Vehículo Eléctrico", dentro do I Foro Atlántico de Desenvolvemento Sostible.
mércores, 28 set 2011
O alcalde de Vigo, Abel Caballero, mantivo na tarde de hoxe, na alcaldía, unha reunión con membros do comité organizador do XXXVII Simposio da Asociación Española de Economía 2012.
mércores, 28 set 2011
O alcalde de Vigo indicou este mércores que o propio dia da inauguración de Conxemar celebrará unha reunión coa Secretaria Xeral do Mar e coa dirección da feira para articular o apoio municipal e estatal ao evento. Caballero adiantou que o Goberno de España incrementará un 5% os recursos económicos para Conxemar e recordou que o Concello está disposto a aportar recursos para respaldalo ante "competencias desleais", singularmente a Seafood de Barcelona.