mércores, 28 set 2011
O alcalde de Vigo, Abel Caballero, mantivo hoxe martes un encontro oficial co comandante do buque escola HMS GLADAM presente na nosa cidade. Logo da reunión protocolaria na que tamén estivo presente o consul de Suecia, Henry H. A. Guyatt, o rexedor apuntou a posibilidade de que os grandes buques que visitan Vigo organicen xornadas de portas abertas e avanzou que lle prantexará esta posibilidade ao presidente da Autoridade Portuaria de Vigo.
martes, 27 set 2011
O alcalde de Vigo recibiu este martes a Pascal Savouret, nomeado novo director executivo da Axencia Europea de Control da Pesca, que ten a súa sede na cidade. Savouret conta cunha ampla traxectoria no ámbito do control pesqueiro e responsabilizarase da execución das accións operativas da entidade. Tras a súa toma de posesión o pasado un de setembro, ambos mandatarios avogaron pola cooperación entre as partes en beneficio común.
venres, 23 set 2011
A Xunta de Goberno Local aprobou hoxe venres a modificación necesaria para que entre en vigor o convenio asinado polo Concello e a entidade social Emaus para a adaptación e xestión do Centro de Acollida Polivalente no Casco Vello de Vigo. Unha vez validada a autorización de uso, Emaus poderá adaptar o edificio da antiga Escola de Hostelería, no Berbés, para a súa nova función; para o que o goberno local abonará 512.000 euros ao ano desde 2012 a 2015, máis 675.000 euros de obra e equipamento.
mércores, 21 set 2011
O alcalde de Vigo avanzou hoxe mércores que encargará un anteproxecto que permita "exhibir, reproducir e describir de forma atractiva" o contexto económico, social e político no que se desenvolveu a Batalla de Rande. Anunciou que, dado que a Xunta traballa nunha iniciativa similar, estableceremos contacto coa Consellería de Cultura -dixo- para presentar unha iniciativa conxunta "que poidéramos levar a Europa para acceder a axudas comunitarias".
martes, 20 set 2011
O alcalde de Vigo mantivo unha entrevista este martes cos quince alumnos e alumnas da Escola de Turismo CEBEM, de visita hoxe no Concello, que asisten ao curso "Accións formativas para desempregados", que inclúe un módulo de comunicación. Os estudantes puideron departir co rexedor vigués e coñecer instalacións municipais como a sala de prensa ou o Salón de Plenos da Corporación.
luns, 19 set 2011
O alcalde de Vigo, Abel Caballero, recibiu aos representantes da Plataforma pola Sanidade Pública para analizar a situación das infraestruturas sanitarias da cidade. Entre outros temas de interese, rexedor e sanitarios revisaron o proxecto do futuro hospital de referencia de Vigo.
luns, 19 set 2011
O alcalde de Vigo fixo este luns balance dos primeiros cen dias do novo goberno municipal, "cen dias de traballo" que dan continuidade ao iniciado no anterior mandato. Caballero fixou na "xeración e creación de emprego" a primeira clave política do executivo que preside, e salientou os pasos en marcha en materia de Urbanismo.
venres, 16 set 2011
Abel Caballero acudiu este venres ao Paraninfo da Facultade de Ciencias Económicas e Empresariais do Campus Universitario de Vigo, onde tivo lugar o acto de apertura do curso universatario 2011-2012 coa participación do presidente da Xunta de Galicia e dos tres reitores. A profesora Dona Mª del Carmen Enríquez Salido pronunciou a lección inaugural.
xoves, 15 set 2011
O alcalde de Vigo, Abel Caballero, recibiu esta tarde en visita institucional a Balduino Puerari Custódio, secretario de Medio Ambiente do Ayuntamiento de Garibaldi do Estado do Río Grande do Sul-Brasil. Durante o encontro, ambos mandatarios intercambiaron opinións sobre temas de saneamento e medio ambiente.
xoves, 15 set 2011
Abel Caballero reiterou hoxe o compromiso do Goberno municipal de continuar apostando polo vehículo eléctrico como a "mellor" opción de futuro "para a protección do medio ambiente e aforro enerxético". Así o explicou durante a inauguración de dous puntos de recarga de coches eléctricos no Centro Comercial Travesía de Vigo.
