O rexedor eloxia o labor da Policía Nacional a prol da igualdade de homes e mulleres
Abel Caballero visitou este xoves no Tinglado do Porto a exposición conmemorativa do 40 aniversario da incorporación da muller á Policía Nacional, que permanecerá aberta durante unha semana. Vigo é a única cidade galega na que poderá visitarse a mostra, un aspecto que agradeceu o rexedor ao tempo que puxo en valor a traxectoria da Policía que "soubo camiñar cos tempos" e traballar en favor da igualdade laboral entre homes e mulleres.
