Abel Caballero informou este venres do prazo estimado para licitar a construción da nova bancada de Marcador, no estadio municipal de Balaídos, unha vez recibida a autorización de Augas de Galicia, que tiña carácter vinculante. A previsión é adxudicar a obra -cun orzamento de 13,8 millóns- no outono.
Abel Caballero sinalou que o Concello ten solicitado a ADIF a convocatoria da comisión de seguimento dos accesos á estación de Vialia para poder pechar o proxecto.
A pista de skate do monte do Castro abriu este venres de novo coas instalacións totalmente renovadas. O Concello levou a cabo un investimento preto dos 40.000 euros para remodelar completamente o parque deportivo.
O rexedor en funcións explicou que tralas obras realizadas para renovar o céspede e a iluminación en Navia, Candeán e o Meixoeiro, o Concello está acondicionando os campos da Bouzas e o Baltasar Pujales.
A terceira edición da Andaina solidaria parte da Praza do Rei o domingo 9 de xuño e finalizará no parque de Castrelos, onde haberá actividades e agasallos para os máis pequenos. A recadación irá en beneficio das asociacións Bicos de Papel e Asanog.
O rexedor en funcións acudiu este venres aos actos do 75 aniversario do Centro de Educación Infantil e Primario O Rocío e, ademais de felicitar a profesores e alumnos, entregou á directora o galardón do premio Vigueses Distinguidos que foille concedido o pasado mes de marzo durante os festexos da Reconquista.
Samil volve a recibir cinco deportes este verán, que se repartirán en seis fines de semana e once días de competición dende este domingo día 2 ata xullo. A pista Vigoarea, coma sempre ao carón do complexo deportivo municipal, vai ofertar balonmán, tenis, voleibol, futvolei e fútbol na praia urbana.