martes, 13 set 2011
O alcalde presentou este martes coa Asociación de Familiares de enfermos de Alzheimer e outras demencias de Galicia (AFAGA) esta inciativa do colectivo dentro das Primeiras Xornadas Temáticas sobre o Alzheimer. As datas de proxección dos documentais serán os días 14, 19 e 20 de setembro no Auditorio do Centro Social de Novacaixagalicia. Ademais das proxeccións, a científica do CSIC Ana Martínez impartirá unha conferencia sobre os últimos avances na investigación de enfermidades neurodexenerativas.
luns, 12 set 2011
Abel Caballero participou este luns na apertura da V Conferencia Mundial do Atún, que ten lugar en Vigo coa participación da ministra de Medio Ambiente, Rural e Mariño, Rosa Aguilar. O alcalde citou á pesca, ao Porto de Vigo e aos eventos mundiais que Vigo acolle -WFE ou Conxemar- como mostras da capacidade viguesa no sector e avogou pola eficiencia á hora de xestionar os recursos na pesca e na explotación.
luns, 12 set 2011
A inauguración dunha nova edición da iniciativa MOSTRARTE, que trae o arte vigués aos espazos abertos da Alcaldía do Concello, tivo lugar este luns coas obras do local Antonio Abad. Formado na Escola de Artes de Vigo e no madrileño Taller do Prado, desenvolve a súa carreira artística en Vigo onde crea o seu estudo-taller. Expón ininterrompidamente de forma individual desde 1990 en distintas cidades de España e Portugal, e de forma conxunta ou colectiva en Europa.
luns, 12 set 2011
Tras unha reunión cos resposables de Conxemar, Caballero denunciou que o Goberno central rebaixou de 200.000 a 60.000 euros a achega para a "gran feira do mar do outono no mundo"e anunciou que o Concello dará apoio financeiro á feira porque "xera unha actividade económica da maior importancia para Vigo, para Galicia e para España; que significa o mantemento dun liderado mariño moi importante por parte de Vigo e de España".
venres, 9 set 2011
Abel Caballero recibiu hoxe venres aos presidentes autonómicos de España aglutinados nesta Federación que preside Asunción Durán, encargada tamén da xestión do Auditorio Pazo de Congresos "Mar de Vigo". Reunida en Vigo, a Federación ve a cidade como un "gran destino" para o turismo de congresos. O alcalde asegurou que os seus integrantes levaron unha boa impresión da cidade.
venres, 9 set 2011
O alcalde de Vigo definiu este venres como "un dos grandes fitos da cidade" a licitación, aprobada onte en Consello de Ministros do Goberno, de obras da nova estación do AVE de Urzáiz por valor de 29 millóns de euros, a segunda licitación xa liberada. Abel Caballero apuntou que a continuidade de José Blanco na carteira de Fomento é "a mellor garantia" da Alta Velocidade viguesa.
xoves, 8 set 2011
O alcalde de Vigo, Abel Caballero, e o delegado do Goberno en Galicia, Miguel Cortizo, mantiveron este xoves unha reunión para pasar revisión aos investimentos do Goberno de España na cidade, tras o que o rexedor vigués subliñou a "boa marcha" da tramitación para a chegada da Alta Velocidade, as autovías, a Biblioteca do Estado, a nova Comisaría da Policía Nacional e a Depuradora, que encara a "fase final" da tramitación cara a súa contratación definitiva.
mércores, 7 set 2011
Abel Caballero avanzou este mércores que o goberno local inicia o procedemento administrativo para as humanizacións de Aragón, Nicaragua, Brasil, Juan Ramón Jiménez, Pintor Colmeiro, Martínez Garrido, Ramón Nieto, Doutor Marañón e Menéndez Pelayo, cun investimento superior aos 16 millóns de euros. Estas reformas serán licitadas este ano e sumaranse aos 7,5 millóns en humanizacións actualmente en obras.
venres, 2 set 2011
Abel Caballero asinou hoxe venres un convenio con responsables da Asociación de Veciños de Teis para sufragar o funcionamento do Centro Cívico. O Concello asume a contratación do persoal, incluído o auditorio, cunha aportación de 55.000 euros, cantidade á que hai que sumar as subvencións que como asociación lles corresponde.
venres, 2 set 2011
Abel Caballero visitou hoxe venres as obras de remodelación do Centro Comercial Coia IV, nas que o Concello investiu 100.000 euros, "nunha zona comercial que abastece a unha zona de poboación moi importante". O rexedor enmarcou estas obras nas humanizacións das rúas adxacentes acometidas no anterior mandato e nas que o Concello investiu 7,8 millóns de euros. Avanzou, asimesmo, que a Xunta de Goberno deu luz verde, por un importe de 125.000 euros, ás obras de remodelación dun tramo da rúa Castelao que quedara pendente de humanizar.
