A flota de autobuses de Vigo locen un lazo rosa nos seus frontais para crear conciencia sobre esta doenza, no día que se celebra o Día Mundial contra o Cancro de Mama. Tal e como sinalou o alcalde, é preciso centrar a atención en cuestións tan importantes como a detección precoz.
Coa previsión dun presuposto "expansivo" que chegará ao máximo de gasto que permite a lei e que se centrará na política social, no emprego e no deporte, Caballero adiantou que nos próximos días quedará aprobado o documento, algo que o fai "feliz porque vexo que a cidade marcha". <br />
O rexedor mantivo un encontro este venres con representantes do grupo Euskaltel, tras a unión empresarial coa galega R, amosándolle o desexo de cooperación dunha cidade que "quere estar no futuro" e ofrecéndolle apoio para que desenvolvan as súas redes en Vigo, con especial atención ás conexións no ámbito rural. Dende Euskaltel manifestáronlle a Caballero a súa vontade de manter "moita presenza" na cidade con calidade nos servizos.
Como sinal de apoio aos dereitos das nenas en todo o mundo e tomando "parte activa" neste labor de defensa dos mesmos, o Concello súmase á celebración do Día Internacional da Nena tinguindo de rosa as Fontes da Rúa Aragón a partir das 20:30 horas seguindo a convocatoria da ONG Plan Internacional que traballa polos dereitos da Infancia.
O alcalde avanzou que os 15 millóns que recibirá Vigo procedentes do EDUSI permitirán acometer "o proxecto máis importante que nunca se fixo na cidade con fondos europeos". Eloxiou a bondade do Vigo vertical, capaz de concitar a maior asignación económica á que podía aspirar unha cidade nesta convocatoria de fondos da Unión Europea.
Abel Caballero destacou que a recuperación do edificio avanza e será froito dun "grande acordo" e anunciou que a próxima semana estará redactado o prego do concurso de ideas para seleccionar o proxecto. Amais o Concello pulsará a opinión do tecido social e cultural vigués buscando a máxima participación da cidade.
Abel Caballero participou esta mañá no acto de entrega dos premios Galicia Spin Off. Nesta segunda edición, os galardóns outorgados polo Banco Pastor e G Ciencia recoñeceron os proxectos de AllGenetics e Galchimia.
Abel Caballero e Francisco Marambio, Embaixador da República de Chile en España desde o ano 2014, mantiveron un encontro institucional este martes no Concello no que abordaron a actualidade e as relacións entre os dous países. Marambio adiantoulle ao rexedor o nomeamento do novo cónsul honorario en Vigo, unha cuestión que "nos satisfai" e ambos manifestaron compartir a afección polo Celta.
O rexedor participou este luns en Vigo na inauguración do Congreso Mundial de Cefalópodos, organizado pola FAO e Conxemar, no que se debate o presente e futuro dun produto que representa o cinco por cento do total de peixes, crustáceos e moluscos capturados no mundo e o catro por cento do volume total do comercio mundial destas especies. Caballero puxo en valor a importancia do sector da pesca na economía da cidade e de Galicia e, dando a benvida á cidade a todos os participantes, salientou as sinerxías positivas que se derivan de encontros de tantos países e persoas en eventos destas características.
Abel Caballero asistiu este luns aos actos de celebración do Día da Policía Nacional, que se desenvolveron na comisaría de Vigo-Redondela situada na rúa López Mora, onde se impuxo a Cruz ao Mérito Policial á fiscal xefe da área Susana García-Vaquero e ao xefe da Policía Local, Francisco Martínez, pola cooperación permanente entre os dous Corpos de seguridade. O rexedor puxo en valor o traballo que realiza a Policía Nacional en Vigo e destacou a súa colaboración continua coa Policía Local da cidade.