Abel Caballero, xunto co Secretario Xeral de Infraestruturas do Ministerio de Fomento, asistiu este xoves á chegada da primeira tuneladora ao centro de Vigo, completando os 8,2 quilómetros de percorrido desde Redondela. "Hoxe Vigo ve a luz ao final do túnel", aseverou o alcalde, tras máis de dous anos e medio de traballos, pois "hoxe conclúe simbólicamente" a chegada do AVE á cidade.
Acompañado por máis de 200 alumnos de 4º da ESO do IES O Castro, Abel Caballero, participou hoxe nun acto conmemorativo das persoas que perderon a vida nas estradas galegas no que vai de ano. Esta é unha das iniciativas que a Policía Local e a ONG Stop Accidentes poñen en marcha con motivo do Día Mundial en Recordo das Vítimas de Tráfico. A pesares de que desde 2003, o número de falecidos diminúe progresivamente, en España 2.000 persoas perderon a vida en accidentes de circulación, mentras que esta cifra é de máis de 200 en Galicia. No caso de Vigo, no que vai de ano, as vítimas se sitúan en 3, seis menos que no 2010 e dous menos que no 2009.
O alcalde e os responsables do grupo Imán presentaron hoxe os IX Premios de Relato Curto, cuxa temática será o sida. Os relatos poderán ser presentados ata o 9 de xaneiro de 2012 e os premios oscilarán entre os 700 euros do primeiro aos 100 euros dos tres accésits concedidos. Abel Caballero asegurou o apoio municipal a iniciativas que abonden no "desterro definitivo" desta enfermidade.
Abel Caballero informou este martes desta "gran novidade" introducida polo goberno local recentemente nas condicións para adxudicar obras municipais ás empresas. O emprego -número e continuidade dos traballadores, contratación de persoal...- terá ata 10 puntos de valoración sobre 100, algo que acontece por primeira vez. O alcalde informou ás empresas construtoras deste requisito nunha reunión pública coa presenza dunhas 70 persoas.
Abel Caballero comprometéuse hoxe a estudar posibles ubicacións para albergar durante o inverno as naves da Asociación Deportiva de Catamaráns de Galicia aos que recibiu esta mañá. Durante o encontro, os responsables deportivos plantexaron tres posibles ubicacacións no Vao, en Alcabre e Teis e o alcalde transmitiulles o convinte que é "ter un espazo para practicar vela lixeira, aprender e competir".
O alcalde de Vigo, Abel Caballero, amosou hoxe luns o seu compromiso para apoiar á Asociación Galega de Telecomunicacións, que pretende organizar en Vigo o seu congreso anual. Segundo indicou, Vigo, que ten escola superior desta materia, é unha ubicación "idónea" para albergar este encontro anual, que atraería a máis de catrocentas empresas.
Abel Caballero explicou hoxe martes que o Ministerio de Fomento garante que Vigo será porto central na rede transeuropea de transportes ao ser cabeceira dunha Autopista do Mar, que será rubricada "de forma inminente" polos gobernos español e francés. O alcalde recordou que, vía corrección de erros, o AVE Vigo-Ourense por Cerdedo de pasaxeiros tamén figurará no mapa europeo.
Abel Caballero informou hoxe venres da recepción dunha carta do ministro de Fomento, José Blanco, que lle comunica que o Porto de Vigo e o AVE Vigo-Ourense por Cerdedo están incluídos na Rede Transeuropea de Transportes. Tal e como viña solicitando, o alcalde indicou que por vía corrección de erros subsánase estas ausencias.
O alcalde, Abel Caballero, adiantou este venres que os servizos xurídicos municipais estudan fórmulas para reclamar por vía xudicial á Deputación de Pontevedra os 450.000 euros da débeda contraída co Museo MARCO de Vigo, os 90.000 euros coa Fundación ProVigo e os 81.000 euros coa Fundación Axencia Intermunicipal da Enerxía de Vigo (FAIMEVI). O rexedor recordou que é unha "obrigación" do ente provincial coas devanditas institucións.
O alcalde, Abel Caballero, recibiu este xoves á dirección galega da entidade, que está a implantarse en Galicia a través de Vigo co obxectivo de divulgar os síntomas da enfermidade e dar apoio ás familias dos afectados. O rexedor sinalou que en 10 ou 20 días terá lugar a presentación pública da actividade desta Fundación nas propias dependencias municipais.