xoves, 15 dec 2011
O alcalde de Vigo acudíu na mañá deste xoves ao Hospital de Fátima para sumarse á campaña "Dona un Día" de UNICEF-España en defensa da infancia. Cada persoa que ofreza hoxe a súa solidariedade coa organización contra a desnutrición infantil nas mesas instaladas no hospital poderá facerse un recoñecemento da súa presión arterial, da frecuencia cardíaca e da saturación de osíxeno en sangue por parte do persoal asistencial do centro sanitario.
xoves, 15 dec 2011
O alcalde de Vigo, Abel Caballero, mantivo hoxe xoves unha reunión co presidente da Sociedade Filarmónica de Vigo, Avelino Sanluis, na que o rexedor se comprometeu a asinar un convenio de colaboración cunha "organización de desenvolvemento cultural moi arraigada en Vigo".
mércores, 14 dec 2011
O alcalde de Vigo e vicepresidente da FEMP, Abel Caballero, viaxou a Madrid para participar este mércores na Xunta de Goberno e, posteriormente, no Consello Territorial da Federación, o primeiro encontro desde órgano reitor da FEMP que reúnese con carácter ordinario cada catro meses. Trátase da primeira reunión na que Caballero actúa como vicepresidente do organismo de representación municipal.
luns, 12 dec 2011
O alcalde de Vigo anunciou esta mañá que o deporte de base verá incrementada a súa partida nos próximos orzamentos municipais. Así o avanzou Caballero durante unha visita ao colexio público Seis do Nadal na que estivo acompañado por deportistas do Octavio, do Anfiv e do Celta Feminino.
luns, 12 dec 2011
O alcalde de Vigo anunciou esta mañá que se está a elaborar un libro que reunirá as biografías das 150 persoas que desde mediados dos anos 80 teñen sido declaradas "vigueses distinguidos". Trátase, indicou, "dunha contribución a unhas persoas que fixeron moito pola cidade"
venres, 9 dec 2011
Abel Caballero explicou que o goberno local e Vueling están preto de asinar o acordo para establecer a ruta con Heathrow de marzo a outubro de 2012, un convenio que custará 450.000 euros -polos 657.000 euros de 2011- e incluirá conectividade con British Airways. Ademais, o alcalde desvelou que o Concello dará todas as facilidades para a instalación en Vigo da baixo custo de Iberia, sen aportacións económicas.
mércores, 7 dec 2011
O alcalde de Vigo comprometeu hoxe o seu apoio ás peticións da Asociación de Veciños de Sárdoma que solicitan "con perentoriedade" asfaltados e humanizacións en distintas zonas da parroquia. O rexedor, quen mantivo esta mañá un encontro con responsables da entidade, avanzou que "nalgúns casos" vai haber cesións de particulares para poder ampliar as beirarrúas.
mércores, 7 dec 2011
O alcalde acudiu hoxe mércores a visitar as obras de construcción do pavillón polideportivo de Candeán, financiado íntegramente polo Concello de Vigo cun importe de 2,3 millóns de euros. Esta infraestrutura "forma parte da política de construción de pavillóns e instalacións deportivas que estamos levando adiante", apuntou Caballero, quen adiantou que a inauguración será "o antes posible".
luns, 5 dec 2011
O alcalde de Vigo "non contempla a hipótese" de que institucións sociais como a clínica San Rafael ou os Hermanos Misioneres dos Enfermos pobres, entre outras, empecen a pagar o recibio de auga, despois de levar máis 20 exentos por ser institucións municipais. Logo de reunirse co responsable da clínica San Rafael, José Antonio Atienza, avanzou que "dará instrucións" para que non teñen que pagar "porque non creo que se teña producido nada que xustifique este cambio".
luns, 5 dec 2011
O alcalde de Vigo reuníuse este luns co novo xerente da Fundación ProVigo, José Manuel García Orois, quen defendeu "dar impulso" á entidade definindo os "temas de gran consenso" en Vigo nos que volcar a súa actividade. Orois transmitiu a Caballero que prácticamente todos os membros de ProVigo avogan por manter a actividade estratéxica da Fundación, que celebrará a reunión do seu Padroado o día 20 deste mes.<br />