luns, 9 xan 2012
Abel Caballero explicou hoxe que o Decreto lei de medidas económicas e financeiras aprobadas polo Goberno Central o pasado día 30 de decembro xeran incertidume á hora de valorar a súa afección nos concellos polo que o borrador do orzamento quedará en suspenso e se prorrogarán as contas de 2011. O novo baremo do IBI, o descoñecemento do reparto do Fondo de Cooperación Local ou os prazos para devolver os devengos de 2008 e 2009 son cuestións determinantes á hora de establecer os ingresos e os gastos polo que a aprobación dun documento orzamentario nestes momentos xeraría inseguridade, así que" imos esperar a ter toda esa documentación para aprobar as contas de 2012", explicou.
xoves, 5 xan 2012
O auditorio municipal do Concello enchéuse de nenos e nenas para saudar e entregar a súa carta ás Súas Maxestades os Reis Magos de Oriente, que ofreceron hoxe xoves un acto de benvida no Concello. Ás 17:30 horas desta tarde ten lugar a recepción oficial na Porta do Sol a Melchor, Gaspar e Baltasar, previa á celebración da tradicional cabalgata, ás 18:30 horas.
mércores, 4 xan 2012
Abel Caballero reuníuse este mércores cos responsables da feira, hosteleros e hoteleros de Vigo para identificar melloras en Conxemar para que "ademais de efiza, sexa cada vez máis competitiva". O goberno local encargarase de coordinar cuestións como unha mellor organización do transporte, dos aloxamentos e das instalacións do IFEVI. Caballero comprometeu o apoio municipal para evitar que Conxemar acabe en Barcelona.
martes, 27 dec 2011
Tras a reunión celebrada na mañá deste martes, Abel Caballero indicou que a Asociación de Veciños planteou "a necesidade de continuar coa humanización" de Arquitecto Cominges, un vieiro que "vertebra" a parroquia. "A nosa vontade está en facelo", apuntou o alcalde, quen avogou por "seguir e a ser posible completar a humanización" de toda a rúa.
xoves, 22 dec 2011
"Téndolle a man ao novo goberno de España para que continúe e invista nesta cidade", asegurou Caballero, quen apuntou que Vigo reclama do novo executivo que "siga facendo o mesmo e á mesma velocidade" que o anterior, en particular en materia de infraestruturas. O alcalde vigués reclamou ao Goberno de España que introduza Pesca ou Mar na denominación do novo Ministerio de Agricultura, Alimentación e Medioambiente.
mércores, 21 dec 2011
O alcalde de Vigo informou esta mañá do acordo ao que chegou con Aqualia polo que os as Hermanas de la Caridad, os Hermanos Misioneros de los Enfermos Pobres e San Rafael pagarán o recibo mínimo de auga, 15 euros, que por lei lles teñe que facturar a concesionaria. Deste xeito será Aqualia a que asuma os preto de 25.000 euros anuais aos que ascendía a factura destas entidades benéficas
luns, 19 dec 2011
Abel Caballero inaugurou esta mañá a campaña de nadal do Mercado Solidario que desde o ano 2007 abre as súas portas nestas datas. As asociacións Accesca, Alento, Avelaiña, Cogami, San Xerome e Vontade dan organizan unha exposición que, ata o próximo día 5, oferta produtos de artesanía de grande calidade.
venres, 16 dec 2011
A Xunta de Goberno Local aprobou hoxe venres o outorgamento de 342.000 euros en concepto de subvencións a 110 asociacións da cidade, para actividades, mantemento, obras e equipamento, correspondente ao 2011. Este ano, o goberno de Vigo tamén adicou outros 258.000 euros a convenios con asociacións, en total 600.000 euros. Caballero valorou esta "partida significativa para fomentar o asociacionismo"<br />
venres, 16 dec 2011
Vigo recibiu hoxe, na persoa do seu alcalde, o agradecemento dos responsables do Fondo galego de Cooperación con Haití por ser o Concello galego que máis fondos adicou a este fin humanitario. Ademais, o rexedor explicou que o Concello investiu en causas solidarias preto de 120.000 euros nos últimos exercicios.
xoves, 15 dec 2011
Abel Caballero solicitou na mañá de hoxe xoves aos alumnos de 6º de primaria que participaron no Pleno Infantil que de "xeito periódico", incluso cada tres meses, faciliten ao Pleno do Concello as súas propostas para dirixir a cidade aos efectos de que os grupos as poidan ter en conta. Logo de darlle a benvida en nome de toda a Corporación aos 90 alumnos, o rexedor desexoulles "un bo e fructífero" debate sobre propostas para saír da crise.