O alcalde de Vigo, Abel Caballero, participou este xoves na rolda de presentación deste evento, que se celebrará o 19 de maio ás 11 horas, con saída e chegada na Praza do Rei. Os participantes donarán un euro por cada dorsal e todos os fondos irán destinados as actividades de UNICEF en favor dos dereitos da infancia.
O alcalde de Vigo, Abel Caballero, e a concelleira de Política de Benestar, Isaura Abelarias, presentaron este mércores "Pupitres para Todos", o concerto en favor da ONG Amigos de Inharrime para levar pupitres aos nenos e nenas de Inharrime, en Mozambique. A cita, con sete artistas, dará comezo ás 19 horas, con entradas a 6 euros.
O alcalde mantivo este martes unha reunión cos organizadores deste evento internacional, celebrado por última vez en China e que levará "por enriba de 300 asistentes" ao Auditorio Mar de Vigo da cidade. Caballero garantiu a cooperación do goberno local neste evento.
O alcalde de Vigo eloxiu a traxectoria do Centro Tecnolóxico das Telecomunicacións Gradiant no quinto aniversario da súa posta en marcha na cidade. Trátase, dixo, dun "traballo ben feito" que favorece o emprego e as novas tecnoloxías para reforzar a Vigo como cidade de presente e de futuro.
Abel Caballero participou este xoves na inauguración do sexto Congreso Internacional da "Asociación de Jóvenes Empresarios", tras o que defendeu "apoialos na súa tarega de facer empresa e innovación, de presente e de futuro". O alcalde comprometeu o apoio municipal á entidade: "estamos cooperando con eles".
"É para min hoxe un privilexio descubrir esta praca dun grande defensor da liberdade". Con estas verbas referíase Caballero ao acto de homenaxe ao avogado Roberto González Pastoriza, quen desde hoxe xoves conta cun recoñecemento público na vivenda que ocupou na rúa Progreso, esquina con Pracer. Durante o acto, o alcalde louvou a figura deste xurista represaliado polo seu compromiso coa democracia e as liberdades.
Unha nova edición de Mostrarte, a iniciativa municipal que leva a novos e recoñecidos artistas vigueses ás depedencias da Alcaldía, foi inaugurada este mércores polo alcalde de Vigo. Patricia Larrea, Juan Teixeira e David Muíños amosan os seus traballos, de temáticas variadas, mais unidos pola fotografía.
O rexedor transmitiu hoxe xoves ao comité de empresa de Peinador a súa vontade de "levantar a voz, xunto coa cidade, en defensa do aeroporto, unha infraestrutura fundamental para a industria e a economía de Vigo". Ao longo da reunión que mantiveron esta mañá na Alcaldía, Caballero constatou a "preocupación e indignación" destes traballadores, unha sensación que, na súa opinión, comparte o resto da cidadanía.
A Comisión Nacional de Administración Local aceptou a proposta do vicepresidente da FEMP e alcalde de Vigo de que os concellos que tiveran superávit o ano pasado poideran invertir eses remanentes. Esta autorización permitirá ao Concello de Vigo dispoñer de 5,9 millóns máis para investir este ano co obxectivo, sobre todo, de xerar emprego.
Abel Caballero iniciou este mércores coa directora do aeroporto, Noelia Martínez, unha rolda de contactos sobre o estado de Peinador, que continuará con expertos e mañá co comité de empresa. O alcalde, que tamén falará con Iberia e Air Europa da súa presenza en Vigo, percibe "enfado" na cidadanía pola "competencia desleal" de Oporto e Santiago.