mércores, 20 mai 2026
O alcalde felicitou este martes ás xogadoras e á directiva do equipo Celta Femxa Zorka por volver competir na máxima categoría do baloncesto feminino nacional. "Xogades marabillosamente ben. Sodes grandes xogadoras. Os dous partidos da fase de ascenso foron excepcionais, cargados de calidade, do voso liderado e do voso triunfo", afirmou Abel Caballero ao destacar que "na pista sodes forza, paixón, calidade e entrega".
martes, 19 mai 2026
O alcalde destacou este martes a proxección da Feria Internacional da Industria do Naval de Vigo no acto de inauguración da cita que reúne no Ifevi a máis de 500 empresas e 1.000 marcas de todos os continentes.
luns, 18 mai 2026
Abel Caballero informou este luns da aprobación na Xunta de Goberno dunha nova addenda ao contrato de comodato do legado pictórico de Manuel Colmeiro a favor do Concello de Vigo. O acordo, polo que os herdeiros do pintor ceden gratuitamente o uso de 23 óleos e 145 obras sobre papel, estará en vigor ata o ano 2029.
venres, 15 mai 2026
Permanecerá aberto ata o 1 de outubro de 2027. O alcalde apuntou esta mañá que o Concello destina 2.150.000 euros para as axudas destinadas a rehabilitar vivendas, así como para elaborar certificados de eficiencia enerxética e contratar seguros. “Son axudas moi importantes para que saian vivendas en alugueiro a prezos razoables ao mercado”, recalcou.
venres, 15 mai 2026
A Xunta de Goberno do Concello aprobou este venres a execución das obras de asfaltado en 6 parroquias da cidade por valor de 877.298 euros.
venres, 15 mai 2026
O rexedor vigués achegouse ata o IFEVI onde o martes comeza a Feira Internacional de Navalia, para amosar o apoio e recoñecemento á organización da cita, que volverá situar a Vigo no centro da actividade naval mundial. Navalia comezou a súa montaxe o luns con máis de 350 traballadores, que levan a cabo a construción dos stands para a décima edición, sobre a que o alcalde afirmou que "segue impresionando porque cada vez é distinta, cada vez é nova e cada vez incorporanse novas firmas". "Isto é a tecnoloxía, é o emprego, é a capacidade de construír, é o naval", destacou Caballero, tras percorrer os catro pavillóns que se preparan para recibir cifras récord de participación e unha destacada presenza de empresas e delegacións extranxeiras. A feira celébrase do 19 ao 21 de maio e contará con 602 stands. O alcalde estivo acompañado por José García Costas, presidente de Navalia, e varios membros del Comité Executivo.
xoves, 14 mai 2026
O alcalde presentou esta mañá os 15 concertos organizados ao longo do mes de maio en distintos escenarios da cidade dentro da vixésima edición do Festival das Letras Galegas. Ademais, o 17 de maio está programado un concurso coral infantil e xuvenil no Teatro García Barbón.
xoves, 14 mai 2026
O alcalde participou este xoves na presentación do festival gratuíto de ciencia en bares que se celebra entre o 18 e o 20 de de maio. Trátase do maior evento internacional destas características, con accións nos cinco continentes e no que investigadores de todas as disciplinas comparten o seu traballo co público nun ambiente pouco habitual para a ciencia: os bares.
xoves, 14 mai 2026
O Concello inicia este domingo 17 de maio a programación coas seis citas culturais que se desenvolverán durante a próxima semana en recordo da xornalista e escritora viguesa á que este ano se dedica o Día das Letras Galegas.
xoves, 14 mai 2026
Abel Caballero e Carmela Silva, primeira tenente de Alcaldía, asistiron á xornada formativa organizada pola Subdelegación do Goberno en Pontevedra e o Colexio de Farmacia de Pontevedra para que as farmacias da cidade se incorporen á rede de espazos seguros para as mulleres que sofren calquera tipo de violencia machista.
