Vigo reforza o transporte urbano para a noite de San Xoán
O Concello despregará o martes 23 de xuño un dispositivo especial cara a praia de Samil. Desde as sete da tarde e ata as seis da madrugada do día 24 de xuño aumentarán as frecuencias das liñas principais para responder ao incremento da demanda de viaxeiros.
Abel Caballero explicou as medidas adoptadas para facilitar aos usuarios do transporte urbano o seu desprazamento ata a praia de Samil para celebrar a noite de San Xoán, que supoñen o incremento de servizo durante a tarde do día 23 e a madrugada do día 24.
Reforzos en paradas
Choróns (Travesía de Vigo 7). As liñas C3d, L4C, L15A, L15B, L15C e L23 contarán cunha frecuencia media de 5 minutos.
Policarpo Sanz. As liñas 3i, L4C, L10 e L15A pasarán cunha frecuencia media de 8 minutos.
Praza de América. As liñas 3d, L4C, L10 E L15A tamén contarán cunha frecuencia de 8 minutos.
Servizo nocturno
Durante a madrugada do mércores 24 Vitrasa activa un servizo especial nocturno para o regreso desde Samil.
A liña N1 terá unha frecuencia reforzada para conectar, cada 25 minutos, Samil co centro da cidade, con paradas en Camelias, Gran Vía, Urzáiz, Beiramar e Torrecedeira.
A liña C1 sairá desde Praza de América nos minutos 20 e 50 de cada hora entre as 22,50 do día 23 e as 5,15 horas da madrugada do 24.
A liña N4 que dá servizo a Navia, Balaídos, Martínez Garrido e Gregorio Espino terá servicio entre as 23,23 do día 23 e as 06,08 do 24.