O alcalde mantivo un encontro este martes con AFAN, Fundación Casa Caridad, Vida Digna, Banco de Alimentos e Asociación Solidariedade Galega co Pobo Saharauí e trasladoulles a continuidade do apoio municipal ao seu labor.
Vigo prosegue tramitando o Plan do Ensanche que servirá para deseñar a cidade dos vindeiros 20 anos. O documento, que acaba de de recibir validación medioambiental, aposta pola protección do patrimonio, a arquitectura contemporánea e a mellora do espazo público.
O luns 29 de xuño arrincará o programa gratuíto “Verán activo nas prazas”, que este ano contará con dúas novidades: dobre sesión diaria de actividades de saúde e diversión en dúas prazas da cidade.
A Comisión de Seguimento da ETEA, formada por Concello, Zona Franca e Xunta de Galicia, reuniuse este martes e encargou a TRAGSA o proxecto de urbanización da vía de acceso e do aparcadoiro subterráneo, que estará listo antes de final de ano.
O Concello ofertou para o próximo curso escolar 438 prazas distribuídas en 9 escolas infantís. Os listados de alumnado admitido xa se poden comprobar na web municipal.
A Fundación Laxeiro acolle ata o 20 de setembro "Laxeiro, as viñetas que non foron ao prelo", unha selección de debuxos inéditos realizados polo artista nos anos 20 do século pasado. A mostra foi inaugurada esta mañá polo alcalde.
O alcalde e a concelleira de Benestar Social, Yolanda Aguiar, participaron este martes na inauguración dunha mostra fotográfica da ONG Fundación Tierra de Hombres que poderña verse na lonxa do Concello durante un mes. As imaxes mostran o traballo da entidade en Ucraína dando apoio aos provedores de axuda humanitaria e prestando servizos directos a nenas, nenos e as súas familias. Un total de 724 menores beneficiáronse desta axuda grazas ao labor de Tierra de Hombres na distribución de alimentos, produtos de hixiene e escolares; na rehabilitación e subministro de albergues seguros; no abastecemento de equipos móbiles para brindar apoio psicosocial ás persoas desprazadas; no seguimento de nenas e nenos con problemas psicolóxicos e outras vulnerabilidades.
O alcalde presentou esta mañá a cita moteira que reunirá a un máximo de 500 afeccionados na ruta que partirá ás 5,30 da tarde desde a estrada do Regueiro para finalizar, dúas horas despois, na estrada Camiño Igrexa. Organizada pola Asociación Irmandade de San Campio de Valadares, conta coa colaboración do grupo moteiro “4 amigos” e do Concello de Vigo.