Abel Caballero reuniuse esta mañá no Concello co avogado sevillano, ao que cualificou como “o maior experto xurídico en dereito deportivo de de toda España”. Ademais avanzou que “se a Federación non cumpre coa súa obrigación de repoñer a Vigo como sede, volveríamos recorrer a el para seguir a fondo todas as vías que sinale baixo a súa dirección xurídica”
Abel Caballero e Carmela Silva asistiron este luns á entrega de diplomas ao alumnado do programa de emprego de garantía xuvenil que se desenvolveu na cidade. Orientados a persoas desempregadas con idades comprendidas entre os 18 e os 30 anos de idade, os obradoiros naceron co obxectivo de mellorar a empregabilidade deste colectivo a través da adquisición de competencias para o emprego e experiencia profesional, realizando obras ou prestando servizos de interese xeral. As persoas participantes acadaron os certificados de profesionalidade na área de Deseño gráfico e multimedia e na de Xestión e dinamización de empresas.
Abel Caballero anunciou este luns o envío da segunda carta deste ano ao conselleiro Emprego, Comercio e Emigración da Xunta, José González Vázquez, reiterando a proposta exposta hai cinco meses para “iniciar sen máis demora” a ampliación do Instituto Feiral de Vigo e afrontar a demanda de espazo de citas como a de Conxemar. “Empezo a sospeitar que Rueda quere que a feira se vaia de Vigo”, indicou o alcalde ao recordar que segue pendente a valoración dos activos das administracións que permitirá a Zona Franca asumir o financiamento das obras.
Abel Caballero avogou este xoves por tratar as doenzas da saúde mental como o resto de enfermidades, así como a non estigmatizarlas. Fíxoo durante a clausura do programa organizado pola Asociación DOA no Auditorio Municipal con motivo do “Día Mundial da Saúde Mental”. Reafirmou o apoio do Concello aos enfermos e ás súas familias. “Podedes contar connosco”, asegurou.
O rexedor criticou as declaracións da conselleira de Medio Ambiente, que cualificou de “falsas e extemporáneas”, asegurando que transmitiron “a sensación de que o problema estaba resolto”. “Se a Xunta garante o abastecemento, por que o alcalde de Baiona chamou a Vigo para pedir auga?”, preguntouse.
Abel Caballero expresou este mércores o seu apoio aos especialistas en Radioloxía, que desde o luns manteñen unha folga indefinida, participando na concentración convocada no Hospital Álvaro Cunqueiro para reclamar a ampliación do persoal nas gardas co que rebaixar a presión asistencial e as listas de espera. “Tedes razón no que expoñedes”, afirmou ao demandar ao Sergas que resolva de forma “inmediata” a situación do servizo de Radioloxía “porque cada día que pasa é un día malo para a saúde desta cidade e para a atención sanitaria óptima que realizades”.
O alcalde urxe á Xunta de Galicia a reducir “de forma inmediata” o caudal ecolóxico que sae da presa de Eiras para afrontar a actual situación de seca “severa” e ante a falta de previsión de choiva no próximos quince días.
O alcalde puxo en valor hoxe os logros alcanzados polo sector transformador dos produtos do mar ao manter a Conxemar e a Vigo, durante vinte e seis anos, como referente mundial da pesca e do conxelado. “Sodes uns heroes” afirmou Caballero no acto de inauguración da cita feiral onde reiterou seu compromiso, " firme, e indubidable" coa ampliación do recinto feiral en función dos intereses de Conxemar.
Durante o acto de inauguración, Abel Caballero trasladou a Benjawon Omark, directora de IKEA en Galicia, os mellores desexos para o “gran éxito” que augurou ao novo espazo en Vigo e celebrou a “capacidade de atracción de Ikea por prezo, calidade e atención”. O delegado do Goberno en Galicia, Pedro Blanco, e o delegado de Zona Franca, David Regades, así como o director de Vialia, Juan Louro, estiveron presentes na apertura na que Caballero felicitou ao persoal de Ikea e a todos os traballadores de Vialia animándoos a seguir "neste proceso de unidade de Vigo, que nos dá a forza. Ofertamos unha cidade amable e amigable”.
O alcalde trasladou hoxe aos 20 especialistas de Radioloxía do Hospital Álvaro Cunqueiro, que conforman o comité de folga, o seu apoio na reclamación á Xunta para que incremente a dotación de persoal dos servizos de garda e de urxencias coa incorporación dun radiólogo pasando dos 2 actuais a 3. “Demandan mellor atención aos pacientes sendo 3 e expóñeno con moita razón”, afirmou Caballero tras o encontro mantido na alcaldía.