venres, 13 mar 2026
O alcalde presentou este venres "ViveVigo", o I Programa Municipal de intermediación no mercado de alugueiro a prezo alcanzable para vivendas baleiras. A iniciativa fixa unha dobre garantía, tanto para o arredador, ao que se garante o cobro da renda e a recuperación do piso nas mesmas condicións nas que o alugou; como para o arrendatario, xa que, se a renda supera o 30% dos seus ingresos, a administración municipal achegará o resto do prezo.
xoves, 12 mar 2026
Caballero participou na recepción institucional á directiva do club francés antes do encontro europeo en Balaídos. Durante o acto, Caballero deu a benvida á delegación do club galo e destacou a relevancia de que Vigo forme parte do calendario das grandes citas do fútbol internacional. O rexedor subliñou ademais a proxección que supón para a cidade acoller encontros de competicións europeas, que atraen a afeccionados e delegacións deportivas doutros países. O alcalde trasladou tamén o seu desexo de que a expedición do Olympique de Lyon desfrute da súa estancia en Vigo e da hospitalidade da cidade, nunha xornada marcada polo ambiente futbolístico e pola presenza internacional en Balaídos.
mércores, 11 mar 2026
O Concello convocou esta mañá un minuto de silencio polo Día Europeo das Vítimas do Terrorismo, unha conmemoración que en España cobra especial significado polo recordo dos atentados de Madrid en 2004, que custaron a vida a 193 persoas. Con este motivo, a Corporación concentrouse na Praza do Rei en sinal de recordo solidario cos afectados polos atentados e as súas familias.
mércores, 11 mar 2026
O dispositivo de frío do Concello de Vigo atendeu a 340 personas desde xaneiro, segundo avanzou hoxe Abel Caballero.
mércores, 11 mar 2026
Abel Caballero deu conta esta mañá das obras de mellora dos accesos á igrexa San Paio de Fóra. Os traballos supuxeron un investimento de 230.000 euros.
luns, 9 mar 2026
Abel Caballero destacou a súa contribución á inclusión social a través do deporte e á preservación da cultura tradicional galega.
venres, 6 mar 2026
As representantes institucionais e as asociacións que conforman o Consello Municipal da Muller participaron hoxe na sesión para analizar os retos pendentes en materia de igualdade, visibilizar o traballo do tecido asociativo e reforzar o compromiso municipal cos dereitos das mulleres no marco do Día Internacional das Mulleres.
xoves, 5 mar 2026
O alcalde de Vigo mantivo un encontro con Jacinto José Pérez Benítez, presidente da Audiencia Provincial de Pontevedra, quen tomou posesión do cargo o pasado mes de setembro. Membro da carreira xudicial desde 1995 e especialista en dereito mercantil, forma parte desde 2009 da sección primeira —civil e mercantil— da Audiencia Provincial de Pontevedra e conta cunha ampla traxectoria na xudicatura.
xoves, 5 mar 2026
A primeira catedrática de astrofísica da Universidade de Vigo será este ano a encargada de redactar o bando de Vigueses Distinguidos 2026. A gala de entrega destes galardóns será o xoves 26 de marzo no Auditorio Mar de Vigo.
xoves, 5 mar 2026
Abel Caballero asegurou este xoves estar “encantado” coa apertura do Centro Integral de Saúde Olimpia Valencia, construído no solar cedido polo Concello de Vigo en Coia, á vez que reclamou á Xunta que manteña abertos os dous centros de saúde que pecharán, así como continuar coa atención pediátrica nos catro ambulatorios afectados polos cambios. “Saudamos que se abra o centro, pero que potencien o resto e non peche ningún”, demandou.
