A Asociación Española de Enfermería Cirúrxica (AEEQ) e o Colexio Oficial de Enfermería de Pontevedra organizan as Xornadas Galegas de Enfermería Cirúrxica celebrada en Vigo baixo o lema “A luz dos coidados”. O evento ten lugar no Auditorio Mar de Vigo, a onde se achegou hoxe Abel Caballero, para darlles a benvida á cidade nesta época de Nadal.
O Concello colabora coa Asociación Española contra o Cancro de Vigo na instalación dunha árbore na Praza de Compostela que irá acendendo progresivamente coas doazóns solidarias de apoio á investigación oncolóxica e ao traballo da entidade.
O MARCO volve ser o lugar elixido para albergar a conmemoración do Día da Constitución o próximo venres 5 de decembro, ás 12:00h. Nesta ocasión, o responsable da redacción do bando será o xuíz decano.
Abel Caballero asistiu este xoves á inauguración da mostra “As Cidades de Colmeiro” que permanecerá aberta na Pinacoteca Fernández del Riego ata o 15 de marzo de 2026. A exposición recolle a visión e expresión plástica do artista durante toda a súa existencia creativa, sobre distintas cidades europeas e de América do Sur nas que residiu.
Abel Caballero destacou este mércores, durante a reinauguración do Hipermercado Alcampo de Coia, a evolución de Vigo desde a apertura do espazo comercial en 1981. Agradeceu aos 300 traballadores o esforzo por atender á cidadanía viguesa e especialmente á veciñanza de Coia.
O Concello aumenta a dotación de chalecos antibalas da Policía Local coa incorporación de 17 novos equipos aos 307 existentes. Entre as características das novas adquisicións destaca a adaptación dos sistemas de protección á morfoloxía feminina.
O Concello atendeu a 79 persoas e realizou 169 intervencións co dispostivo de frío despregado desde o martes 18 ao domingo 23 de novembro.
Abel Caballero lamenta o engano da Xunta ao Concello na primeira valoración dos activos, onde o conselleiro de Emprego e Comercio atribuíu unha achega de 1,7 millóns do Concello e 31,4 millóns do goberno autonómico. Agora, sete meses despois, a Xunta volve facer unha taxación unilateral na que modifica estas cantidades e suma 13,2 millóns máis ao Concello e resta 11 millóns á Xunta. Caballero avanza que o Concello pedirá na xuntanza do Padroado un taxador neutral e acordado.
Abel Caballero foi un dos convidados ao acto de imposición do Colar da Insigne Orde do Toisón de Ouro por parte do rei Filipe á raíña Sofía, ao expresidente do Goberno, Felipe González, así como aos pais da Constitución Miguel Herrero e Miquel Roca. Trátase da máis alta distinción que concede a Casa Real e enmárcase na celebración dos 50 anos da reinstauración da monarquía en España.
O rexedor subliñou que o propio ministro de Transportes lle transmitiu que Vigo mantén garantido o seu enlace directo con Ourense e Madrid a través de Cerdedo, e que o plano utilizado na presentación da AV350 “carece de relevancia, pois corresponde exclusivamente á relación Madrid–Barcelona”.