O Goberno municipal renova a pasarela da praia da Fontaíña
mércores, 10 xuñ 2026A construción das estruturas do paseo e da varanda de madeira contarán cun investimento de 48.082 euros, segundo avanzou este mércores o alcalde.
Alcaldía
O Concello aproba 56 novas axudas de emerxencia por 13.402 euros
mércores, 10 xuñ 2026Abel Caballero explicou que o maior número de apoios concedidos na comisión deste martes correspóndense coas destinadas a alugueiro, un total de 18 por 6.151 euros, “co que evitamos 18 desafiuzamentos”.
Caballero felicita aos policías e civís que rescataron a tres persoas en Samil
mércores, 10 xuñ 2026O alcalde trasladoulles o agradecemento, no nome de Vigo, aos axentes da Policía Local e aos dous cidadáns, un deles socorrista profesional, que a pasada tarde evitaron o afogamento de tres persoas na praia de Samil. "Quero felicitarvos e quero agradecervos que salvastes tres vidas", dixo Caballero, que destacou a súa "capacidade cidadá" e o seu valor, dado que conseguiron rescatar a tres persoas da auga, unha delas menor de idade, que non eran capaces de saír polos seus propios medios, e que o lograron en circunstancias adversas e traballando en equipo. Un exemplo de valentís, de compromiso cidadá e da policía "ben formada que temos", recalcou.
A cidade súmase á concienciación da síndrome Apert
martes, 9 xuñ 2026O Concello ilumina de verde as fontes de Aragón este martes para concienciar á cidadanía sobre a síndrome Apert. Trátase dunha enfermidade rara de orixe xenética que implica craneosinotoses, cirurxías complexas desde o nacemento, seguimento médico de por vida e un importante impacto físico, emocional e social. É unha doenza descoñecida para a maioría da sociedade e baixo o lema "Iluminar para ser visibles" porque o que non se ve, non existe, a asociación APERTCRAS, que acolle a familias que sofren esta enfermidade, quere levar a súa mensaxe a todo o mundo na procura de apoio.
O XII Concurso de Tapas Petisquiño premia o talento da hostalería viguesa
martes, 9 xuñ 2026O alcalde achegouse este martes á entrega de galardóns da XII edición do Concurso de Tapas de Vigo Petisquiño no que participaron 19 establecementos da cidade, que competiron con 22 elaboracións doces e salgadas. Caballero puxo en valor o certame como promotor da gastronomía da cidade e da actividade económica e felicitou aos restauradores pola calidade dos produtos que ofreceron nesta nova edición así como á organización polo labor desenvolvido.
Zona Franca activa a primeira incubadora de alta tecnoloxía startTIC
martes, 9 xuñ 2026Abel Caballero remarcou este martes a vocación do Consorcio por apoiar aos emprendedores dos proxectos de alta tecnoloxía e por afianzar “a forma de entender a cidade e a economía facendo copartícipe a todo o mundo do avance e do progreso, que colocou a Vigo no lugar onde se atopa agora”.
O Concello mellora a contorna da capela do cemiterio de Beade
martes, 9 xuñ 2026A Xunta de Goberno Local adxudicou as obras de pavimentación da área situada fronte ao templo relixioso por un importe de 36.000 euros.
O alcalde convoca á cidadanía a gozar da 59 edición do Rally Rías Baixas
martes, 9 xuñ 2026Do 2 ao 4 de xullo Vigo converterase no epicentro nacional do motor coa nova edición da proba organizada pola Escudería Rías Baixas coa colaboración do Concello de Vigo. A achega municipal ascende a 50.000 euros, segundo avanzou hoxe Abel Caballero.
Caballero anima ás campioas e campións do clube de baloncesto Seis do Nadal nas competicións galegas pola súa participación na competición nacional
martes, 9 xuñ 2026Abel Caballero felicitou esta tarde ás xogadoras da categoría alevín feminino de baloncesto, así como aos xogadores masculinos da modalidade U17 3x3, aos seus adestradoras e adestradores e ao director deportivo do Clube Seis do Nadal de Baloncesto, polos éxitos alcanzados nos campionatos de Galicia e pola súa próxima participación na competición nacional. Animounos a manter a mentalidade gañadora nos próximos partidos que se disputarán en Málaga e Santiago. O alcalde asegurou que esa actitude lles serviu para proclamarse subcampioas galegas e alzarse co bronce, respectivamente.
Caballero anima á cidadanía a participar o sábado 13 na carreira Nocturna Correndo por Vigo
luns, 8 xuñ 2026A dous días de pechar o prazo para participar na décima edición da proba do circuíto municipal de carreiras populares Run Run Vigo, a carreira alcanza este luns a inscrición de 1.144 deportistas adultos e 402 nenos dos 1.200 previstos.