O alcalde e a Confraría do Santísimo Cristo da Vitoria avanzan nos preparativos da procesión viguesa
Abel Caballero mantivo este martes unha reunión coa Confraría do Santísimo Cristo da Vitoria para avanzar na organización dos actos da festividade relixiosa, que se celebrará o primeiro domingo de agosto. No encontro participaron a irmá maior da confraría, Marora Martín-Caloto Alonso; o secretario, Carlos Borrás Díaz de Rábago; e o consiliario, José Vidal Novoa. Durante a reunión abordouse a preparación do pregón e da tradicional procesión do Santísimo Cristo da Vitoria, así como o conxunto de actos que acompañan esta celebración. O alcalde lembrou que o Concello destina 50.000 euros á organización desta cita, asumindo o financiamento da procesión e das actividades vinculadas á cita relixiosa. Ademais, confirmou que o pregón volverá celebrarse no Xardín Inglés de Castrelos o 1 de agosto.
