O alcalde mantivo contacto co titular de Xustiza, Félix Bolaños, quen lle trasladou que o Ministerio xa recibiu o informe do Consello Xeral do Poder Xudicial e está a elaborar a versión definitiva do decreto de novos xulgados.
O Grupo Municipal Socialista defendeu que o Goberno autonómico achegue esta cantidade en analoxía á asignada en concepto de capitalidade ao Concello de Santiago. O Partido Popular votou en contra e o BNG abstívose. O Pleno tamén aprobou unha moción para a protección e valorización dos montes periurbanos da cidade.
Caballero explicou que o Concello enviará alegacións ao informe ambiental estratéxico do Proxecto de Interese Autonómico ao considerar que aumenta a edificabilidade e as alturas sen garantir dotacións, zonas verdes, accesibilidade nin conexións adecuadas co resto da cidade.
A moción saíu adiante cos únicos votos do equipo de goberno. PP e BNG votaron en contra.
Os corporativos denunciaron no Pleno deste luns o trato desigual que aplica a administración galega aos equipos de Vigo e A Coruña que necesitan apoio económico para participar nas fases de ascenso da máxima categoría. Mentres o Leyma recibiu 150.000 euros, o Celta de Vigo de baloncesto feminino non contou co apoio económico da consellería de Deportes, fronte aos 45.000 euros achegados polo Concello de Vigo.
O Pleno aprobou este luns a moción do grupo socialista que reclama ao Sergas a cobertura “inmediata” e “total” de todas as prazas vacantes neste verán dos profesionais de Atención Primaria. “Vigo necesita unha Atención Primaria forte e non máis improvisacións”, defendeu a edil socialista Elena Espinosa.
O alcalde presentou este luns a sétima edición de Curiosidades Solita, o ciclo municipal que ofrece música en directo de pequeno formato todos os venres desde o 3 de xullo ata o 21 de agosto. Os concertos serán ás 21:00 horas, con entrada gratuíta ata completar aforo.
A Xunta de Goberno Local aprobou dous acordos de colaboración: un coa Fundación Menela, por importe de 32.000 euros en catro anos, e outro con Fundamar, dotado con 10.000 euros para desenvolver en 2026 o programa “Sereas, as mulleres do mar”.