Kokoro desprega as expresións da cultura xaponesa en 10.000 metros do Instituto Feiral de Vigo
Esta fin de semana, sábado 4 e domingo 5, Vigo acolle a cuarta edición do “Kokoro Japan Expo 2026” . Manga, anime, cosplay e gaming, conforman parte da oferta das dúas xornadas que este ano incorporan novidades como un espazo de 350 metros cadrados para a zona gamer.
O alcalde presentou hoxe, co organizador de “Kojoro Japan Expo”, Óscar Gómez, o xerente de IFEVI, Arsenio Prieto, e a concelleira de Xuventude, María Lago, a nova edición das xornadas dedicadas á cultura xaponesa, anime, cosplay, gaming e entrentemento asiático.
A organización prevé alcanzar os 12.000 visitantes. As actividades comezarán ás 10 da mañá e finalizan ás 21.00 horas.
Actividades
- Espectáculo de samurais e ninjas, coa presenza salientable de Katanaya Ichi.
- Concerto de Taiko, coa actuación de Murasaki Taiko.
- Concurso e pasarela de Cosplay para todos os niveis, con invitados internacionais como Aulin Lab (Italia) Rita Tavares ( Portugal) e Kujalice (España).
- Zona gamer de 350 metros cadrados, con torneo.
- Espazo propio de anime con Anime Box, con proxeccións en pantalla xigante de Oshi non Ko e Mao.
- Nova zona Indie para desenvolvedores emerxentes.
- A actriz Elena Jiménez explicará o seu traballo de dobraxe.
- A programación musical contará coa interpretación do pianista de anime e videoxogos Elesky e coa actuación de Icy Amane.
- Creación de contido en redes con ByXoulz, Mafskiwi, Capi Joseppe e Danii.
- Talleres da arte do kimono, de sumie e neurociencia.
- Exposicións de Bonsai , de artes marciais, da moda lolita xaponesa e da literatura.
- Scape room temático.
- Oferta gastronómica de comida xaponesa e coreana.