Caballero destaca as achegas do Centro Oceanográfico de Vigo á investigación do estado do mar e da pesca
O alcalde visitou esta mañá as instalacións centradas na investigación mariña, situadas en Cabo Estai. Acompañado pola directora do Instituto Español de Oceanografía, Rosa Figueroa Pérez, así como por Pablo Otero Tranchero, responsable do Centro Oceanográfico de Vigo; Carmen González Sotelo, delegada institucional do CSIC en Galicia, e pola concelleira de Medio Ambiente, Nuria Rodríguez, o rexedor interesouse polas distintas liñas de investigación que centran a actividade das 197 persoas que traballan no centro.
Os responsables do organismo investigador detallaron a Abel Caballero as liñas de investigación que desenvolven ao redor da situación das distintas especies mariñas, así como sobre a evolución da contaminación mariña.
Caballero, tras asinar no libro de honra do centro, foi informado sobre os proxectos de mellora que vai acometer no centro de Vigo o Instituto Español Español de Oceanografía.
