martes, 5 xul 2011
O alcalde de Vigo, Abel Caballero, anunciou hoxe martes a remisión dun novo escrito á Xunta de Galicia para que habilite unha conexión entre o río Verdugo e o encoro de Eiras que garanta o abastecemento no caso de ter un outono seco. "Cremos que é imprescindible que a Xunta de Galicia atenda a demanda que lle está a facer esta cidade", apuntou, pois "non pódese por en risco o abastecemento de auga no outono". O nivel de auga nos encoros vigueses é o segundo peor da década.
mércores, 29 xuñ 2011
O alcalde de Vigo anunciou hoxe mércores a decisión, tras estudala cos técnicos, de ceder 20l/sg de auga a Baiona para paliar os seus problemas de abastecemento; unha cesión condicionada ao volume de auga que vaia rexistrando periódicamente tanto o encoro de Zamáns como o de Eiras, porque "a prioridade é a auga desta cidade". Caballero tamén tomará coma "referencia" a conexión do rio Verdugo a Eiras, cuxa obra reclama á Xunta de Galicia para garantir o servizo no caso dun outono seco.
luns, 27 xuñ 2011
O alcalde de Vigo garantiu este luns abastecemento de auga para Baiona ao seu homólogo, Jesús Vázquez Alumuiña, cesión que estudará cos técnicos nos próximos dous días. Caballero indicou que a situación actual dos encoros de Vigo -suficiente para o verán- é das peores dos últimos dez anos, polo que reclamou á Xunta de Galicia que constrúa un empalme desde o río Verdugo ata Eiras, por "responsabilidade" e prevendo un outono seco.
mércores, 22 xuñ 2011
O alcalde de Vigo, Abel Caballero, e o concelleiro de Fomento, David Regades, visitaron este mércores os traballos de humanización da rúa Areal, que estarán rematados a finais deste ano, cun investimento municipal de millón e medio de euros. Para entón tamén estará rematada a construcción do aparcamento soterrado coa humanización da superficie. "Estamos abrindo unha cidade nova", apuntou Caballero.
martes, 21 xuñ 2011
O alcalde e o concelleiro de Fomento, David Regades, visitaron este martes a rúa Couto de San Honorato na que o Concello investiu 425.000 euros; unha primeira fase que, segundo explicou o rexedor local, "vai ter continuación" nunha segunda fase xa consignada nos orzamentos. Caballero lembrou que o proceso electoral supuxo un punto de seguido no proceso de humanizacións na cidade e que agora continúa con "máis velocidade" que antes.
mércores, 15 xuñ 2011
O alcalde de Vigo, Abel Caballero, fixo este mércores a simbólica donación de palas e carretas do Concello á ONG Pozos de Agua Mayo Rey, que encabeza Ventura Pérez Mariño, co obxecto de iniciar a construcción de pozos de auga potable en Camerún para a súa poboación. Caballero recoñeceu o "esforzo" da organización e a solidariedade dos vigueses, mentres que Pérez Mariño eloxiou as "amabilidades" do Concello e do alcalde na posta a disposición da ONG do material necesario para este fin.
venres, 1 abr 2011
Abel Caballero presentou esta proposta ao alcalde de Moaña, Xosé Manuel Millán, nunha entrevista mantida este venres, á que non quixo acudir a rexedora de Cangas. O rexedor vigués propuxo levar a auga potable polo actual emisario terrestre -evitando os 3 quilómetros da obra que quere facer a Xunta- para unilo co submariño mediante un "bypass" de 350 metros á altura de Baixada ao Espiñeiro. É a única opción para garantir auga ao Morrazo antes do verán, indicou.
Vigo substituíu máis de 21.000 metros de rede de abastecemento, saneamento e pluviais na cidade durante o último ano
xoves, 31 mar 2011
Caballero felicitou a aqualia polo seu traballo, sobre todo pola "dificultade" do abastecemento, xa que Vigo ten "a metade" de rede de abastecemento de auga que Madrid, pese a ter unha décima parte da poboación. O primeiro edil recordou que as humanizacións incluíron a renovación dos servizos soterrados. O balance de 2010 arroxa que cada vigués consume unha media de 133,14 litros/día, unha cifra por debaixo da media autonómica e estatal.
Entrega de premios da 8ª edición do concurso de debuxo de aqualia
martes, 22 mar 2011
Con motivo do Día Mundial da Auga, aqualia comparte cos máis pequenos a importancia de contribuír no aforro de auga adecuando os seus hábitos. No concurso participaron un total de 23 colexios de Vigo que presentaron máis de 800 debuxos. Un dos oito nenos premiados na nosa cidade resultou ser un dos dez gañadores individuais do concurso a nivel nacional
luns, 7 feb 2011
Abel Caballero acudiu o pasado sábado a Coruxo á apertura da humanizada rúa Manuel Lago, onde o goberno local investiu 350.000 euros. A reforma do Concello abarcou os case 350 metros da rúa e máis de 3.600 metros cadrados de superficie total de actuación e, como é habitual, incluíu a renovación das canalizacións soterradas e o mobiliario urbano en superficie.
