Convócase o Consello da Xerencia Municipal de Urbanismo para sesión ordinaria na sala de reunións da sede da Xerencia, o día 22 de decembro de 2005, ás 9:30 horas en primeira convocatoria, e media hora máis tarde en segunda, para tratar os asuntos da seguinte relación.
O Consello da Xerencia Municipal de Urbanismo aprobou hoxe martes, cos votos favorables do PSdeG-PSOE e do BNG, os votos en contra do PP e a abstención do PG, unha moción de reprobación ao Goberno municipal presentada polos socialistas e enmendada polos nacionalistas, "pola negativa xestión na ordenación urbanística da cidade".
O xerente do Consorcio do Casco Vello de Vigo, Alfonso Ramos, e o xerente do Consorcio Cidade de Santiago, José Manuel Villanueva Prieto, asinaron hoxe luns un protocolo de colaboración entre ambas as institucións en materia de rehabilitación.
O Consello da Xerencia Municipal de Urbanismo propúxolle hoxe xoves á Xunta de Goberno Local a anulación da aprobación definitiva do proxecto de normalización de predios da UR 1 de Esparramán, de Bembrive.
A alcaldesa, Corina Porro, entrevistouse hoxe venres coa conselleira de Vivenda e Solo, Teresa Táboas, para tratar da colaboración entre o Concello e a Xunta en materias como a dotación de solo industrial en Vigo e a súa área metropolitana, a creación de vivendas protexidas no noso municipio e a rehabilitación do Casco Vello.
O Consello da Xerencia Municipal de Urbanismo propúxolle hoxe xoves por unanimidade ao Pleno da Corporación a aprobación definitiva da ordenanza municipal que establece o obrigada instalación de sistemas de captación e utilización de enerxía solar nos edificios de nova planta e nos que sexan reestructurados.
O Consello da Xerencia Municipal de Urbanismo ,na sesión ordinaria que ten lugar o xoves día 16, tratará entre outros asuntos da resolución de alegacións e aprobación definitiva da ordenanza municipal sobre captación e aproveitamento da enerxía solar para usos térmicos en edificacións e instalacións no termo municipal de Vigo.