O Goberno local informará sobre a construción da cuberta da rúa das Ostras
O Consello da Xerencia Municipal de Urbanismo centrouse na súa reunión de hoxe xoves na petición de información por parte do concelleiro Mauricio Ruiz, do PSdeG-PSOE, sobre a construción da cuberta da rúa das Ostras e o seu encaixe coa declaración como conxunto histórico da zona onde está situada. O portavoz do PP, José Manuel Figueroa, adiantou que o Goberno local informará sobre esta actuación, "que está", asegurou, "en perfectas condicións legais".
![1166101765xeren141206.jpg 1166101765xeren141206.jpg](https://xornal.vigo.org/storage/xornal-historico/medi/xornal/noticias/imx/opt/1166101765xeren141206.jpg)
Figueroa afirmou que haberá que esperar a que se finalice a obra para valorala e augurou que "vai quedar perfecta para o que pedían os veciños e os comerciantes" da rúa das Ostras. O portavoz do Goberno municipal recordou que esa rúa é "unha zona moi turística" e que a cuberta que se está a construír nela terá efectos beneficiosos porque facilitará as visitas en outono e inverno.
Pola súa parte, Mauricio Ruiz expresou as súas dúbidas sobre a "seguridade e conveniencia" dunha estrutura que, segundo asegurou, causa preocupación entre os veciños da rúa das Ostras. Ruiz chamou a atención sobre o que considera difícil encaixe da cuberta coa declaración do Casco Vello como conxunto histórico, xa que "polo que se ve" a obra que se está executando "é todo o contrario".
Descargar todas as imaxes
Pola súa parte, Mauricio Ruiz expresou as súas dúbidas sobre a "seguridade e conveniencia" dunha estrutura que, segundo asegurou, causa preocupación entre os veciños da rúa das Ostras. Ruiz chamou a atención sobre o que considera difícil encaixe da cuberta coa declaración do Casco Vello como conxunto histórico, xa que "polo que se ve" a obra que se está executando "é todo o contrario".